Die griechischi Kolonisazioon

Us der alemannische Wikipedia, der freie Dialäkt-Enzyklopedy
Die griechischi und phönizische Kolonie im Middelmeerruum

Dr Begriff Griechischi Kolonisazioon bezäichnet d Gründig vo griechische Pflanzstedt (Apoikie) vor und in dr archaische Epoche vo dr griechische Antike, wo vom Festland und vo de Insle vo dr Egeeis usgange isch. Mit dere Kolonisazioon si vor allem im Küsteberiich vom Middelmeer und em Schwarze Meer die griechischi Sprooch, Kultur und Polis-Ornig verbräitet worde. Das isch im Wääsentlige in zwäi Faase bassiert, nämlig d Faase vo dr „Ionische Kolonisazioon“, wo im 11. und 10. Joorhundert v. d. Z. noch em Zämmebruch vo dr mykenische Palastkultur choo isch und vor allem die chläiasiatische Küsterüüm betroffe het, und d Faase vo dr „Groosse Kolonisazioon“ vom 8. bis ins 6. Joorhundert v. d. Z., wo dr griechisch Siidligsruum vo Spanie bis zum Kaukasus und vo Südrussland bis Egüpte erwiteret worde isch.[1]

Die antiki griechischi Kolonisazioonsbeweegig isch en offnigs Forschigsfäld, wo sich im Fluss befindet dank ere intensive Usgrabigsdäätigkäit.[2] D Wirkige, wo vo dr Kolonisierig usgange si, si vo ere historische Draagwiti, wo mä kuum cha überschetze. Si het nid nume d Völker in de kolonisierte Gebiet beiifluss, sondern au d Entwigglig uf em griechische Festland und het alli Hellene bewusst gmacht, ass si zämmenghööre. Vo doo isch u. a. d Bedütig cho wo zentrali Örter, wo in deere Zit ufchoo si, für e Kult und d Begegnig vo alle Grieche mitenand ghaa häi. Under dene stöön Delphi und Olympia uuse.

Litratuur[ändere | Quälltäxt bearbeite]

  • John Boardman: The Greeks overseas. Their early colonies and trade. Thames & Hudson, London. New and enlarged edition 1980, 4. Uflaag 2003. ISBN 0-500-28109-2
  • Oswyn Murray: Das frühe Griechenland. dtv, Münche 1982.
  • Theresa Miller: Die griechische Kolonisation im Spiegel literarischer Zeugnisse. Narr, Tübingen 1997, ISBN 3-8233-4873-6
  • Wolfgang Schuller: Griechische Geschichte. (Oldenbourg Grundriss der Geschichte, Bd. 1), 5. Uflaag, Münche 2001.
  • Karl-Wilhelm Welwei: Die griechische Frühzeit. C. H. Beck, Münche 2002
  • Raimund Schulz: Die Antike und das Meer. Primus, Darmstadt 2005, ISBN 3-89678-256-8, S. 35-50
  • Gocha R. Tsetskhladze (Hrsg.): Greek colonisation. An account of Greek colonies and other settlements overseas. Bd. 1-2, Brill, Leiden 2006-2008.

Fuessnoote[ändere | Quälltäxt bearbeite]

  1. Hermann Bengtson, Griechische Geschichte. Von den Anfängen bis in die Römische Kaiserzeit. Sonderusgoob vo dr 5. Uflaag, Münche 1979, (1. Uflaag 1950) S. 47.
  2. Wolfgang Schuller: Griechische Geschichte. 3. überarbäiteti und erwitereti Uflaag, Münche 1991, S. 106.
Dä Artikel basiert uff ere fräie Übersetzig vum Artikel „Griechische_Kolonisation“ vu de dütsche Wikipedia. E Liste vu de Autore un Versione isch do z finde.