Graureiher

Fischraigel
Graureiher (Ardea cinerea)
Systematik
Chlass: Vögel (Aves) Ordnig: Schriitvögel (Ciconiiformes) Familie: Raigel (Ardeidae) Underfamilie: Tagraigel (Ardeinae) Gattig: Ardea Art: Fischraigel
Wüsseschaftlige Name
Ardea cinerea
Linnaeus, 1758

D Fischraigel (Ardea cinerea; alemanischi Näme) isch e Schriitvogel wo i Mitteleuropa dor s ganze Joor döre vorchunnt. Nume jungi Raigel flüüget im Winter as Mittelemeer.

Uussie

De Raigel isch e groosse Vogel mit lange Bai und eme lange wiisse Hals. Sini Obersiite und Flögel sind grau. Bim Flüüge zücht er de Hals ii. Er werd 84 bis 102 cm grooss.

Lebeswiis

De Raigel lebt i de Nööchi vo flache Gwässer. Er brüetet i Kolonie i de Wipfel vo hööche Bömm. S Wiibli lait im Märze vier oder fööf Aier. Di Junge fönd noch anderthalb Mönet aa flüüge. De Raigel wartet biwegigsloos i flachem Wasser oder uf emene Feld und stecht denn blitzschnell zue. Ase fangte er Fisch, Frösche, Wüürmer, Müüs aber au groossi Insekte.

Mythologii

De Raigel isch de hailigi Vogel vom griechische Meergott Poseidon. I de Woorsegerai het er as e guets Vorzaiche ggolte.

Büecher

• Heinz Staffelbach: Handbuch Schweizer Alpen; Bern 2008.ISBN 978-3-258-06895-4
• Stefan Ineichen (Hrsg.): Stadtfauna, 600 Tierarten der Stadt Zürich; Bern 2010; ISBN 978-3-258-07561-7