Glatt (Thur)

Dä Artikel handlet vo de Glatt i de Ostschwyz; För anderi Bedüütige lueg bi Glatt (Begriffsklärig).

D' Glatt isch en 25,4 km lange Fluss im Kanton Sanggalle i de Schweiz. Si flüüsst under anderem dor Herisau und dor d'Wälder vo Flowil.

Verlauf

D' Glatt entschpringt nordöschtlich vo Schwöllbronn uf Herisauer Gmeindsgebiet. Underhalb Herisau nennt si de Wissebach uf, flüüsst dänn dor s tüfi Hälfebärger Tobel, verbi a de Salpeterhöhli und under de SBB-Brugg Flowil-Goosse (bi Kilometrierig 12,9) dori gege Oberglatt, wo zum Gmeindsgebiet vo Flowil ghört. Underhalb vo Niderglatt (Gmeind Oberuzwil) bildet d'Glatt wäg de vile Windige e Auelandschaft wo vo nazionaler Bedütig isch. Si mündet a de Gmeindsgränze zwüsched Uzwil und Oberbüüre i d'Thur (bi Kilometrierig 6,1 vo de Thur / Kanton Sanggalle).

Bsunderhaite

Tüpisch för d'Täler vo de Glatt und vom Wissebach isch e Raije vo Chlichraftwärch us de Früezit vo de Elektrizitätsgwünnig.

Früener häts viil verschidni Fischarte geh. Hüt exischtiered wäge de starche Verschmutzig nu no gringi Fischbeschtänd.

Zueflüss vo de Glatt

D' Mündig vo de Glatt i d'Thur bi Oberbüüre

E Uswahl vo de benännte Zueflüss, vo de Mündig i d'Thur bis zur Quälle. I de Chlammere send Aagobe links/rächts i Richtig Flusslauf und d'Kilometrierig vo dä Glatt:

• Wuerholzbach bi Oberbüüre, Buechetal (rächts, Km 1.1)
• Uze-Entlaschtigsschtolle bi Oberbüüre, Buechetal (links, Km 1.15)
• Heiterbach bi Wilen-Watt, Löchli (links Km 2.1)
• Weingartenbach bi Niderglatt, Grossweid (rächts Km 4.35)
• Schollrütibach bi Niderglatt (links Km 5.65)
• Tobelbach bi Niderglatt (rächts Km 5.85)
• Sträzerbach bi Niderglatt, Glattmüli (links, Km 6.1)
• Waier Elektrizitätswärch bi Niderglatt, Glattmüli (links, Km 6.25)
• Glattburgbach bi Niderglatt, Glattburg (rächts, Km 6.85)
• Gebhartschwilerbach bi Flowil, Gebhartschwil (rächts, Km 9.1)
• Winterhaldenbach bi Flowil, Gebhartschwil (rächts, Km 9.2)
• Goldbach bi Flowil, Glatttal (links, Km 9.85)
• Sunnehaldebach bi Flowil, Sunnehalde (rächts, Km 10.45)
• Burgauerbach bi Flowil, Sunnehalde (links, Km 11.0)
• Fischbächli bi Isenhammer (rächts, Km 12.25)
• Dorfbach Goosse Isenhammer (rächts, Km 12.45)
• Glattwaier und Chraftwärch bi Ruine Hälfebärg (Km 13.5-13.9)
• Wissebach bi Egg, Tobelmüli (links, Km 14.85, Kantonsgränze SG/AR)
• Schwänbärgbach bi Schwänbärg (links, Km 15.85)
• Ramsebach bi Herisau, Zällersmüli (links, Km 17.1)
• Huebbach bi Herisau, Hueb (rächts, Km 17.5)
• Tüfenaubach bi Herisau, Bachwis (links, Km 18.3)
• Stelzbach bi Herisau, Bachwis (rächts, Km 18.6)
• Sunneböhlbach bi Herisau (rächts, Km 19.0)
• Burghaldebach bi Herisau (rächts, Km 19.05)
• Hubbach bi Herisau, Cilander (links, Km 19.6)
• Sägebach bi Herisau, Induschtrieschtr./Dägersheimerstr. (links, Km 20.0)
• Schlossbach bi Herisau, Schloss (rächts, Km 21.2)
• Dietelswilbach bi Herisau (rächts, Km 21.6)
• Wannebach bi Herisau, Kuenzemoos (links, Km 22.25)
• Wisebach bi Glattmüli (links, Km 22.5)
• Eggelibach bi Glattmüli (links, Km 22.9)
• Himmelisbärgbach bi Glattmüli (rächts, Km 22.95)
• Chällersbärgbach und Vollhofstattbach bi Adliswil (rächts, Km 23.75)

Quälle isch bi Km 25,4 und i de Nöchi vom Dorf Schwöllbronn.

Lueg au

• Flussbeschribig för Wasserfahrte

Dä Artikel basiert uff ere fräie Übbersetzig vu dere Version vum Artikel „Glatt_(Thur)“ vu de dütsche Wikipedia. E Liste vu de Autore un Versione isch do z finde.