Gimpel (Vogel)
| Rotgügger | ||||||||||||
|---|---|---|---|---|---|---|---|---|---|---|---|---|
Rotgügger (Pyrrhula pyrrhula), Männchen |
||||||||||||
| Systematik | ||||||||||||
|
||||||||||||
| Wüsseschaftlige Name | ||||||||||||
| Pyrrhula pyrrhula | ||||||||||||
| (Linnaeus, 1758) |
De Rotgügger (Pyrrhula pyrrhula; alemanischi Näme) isch e schüüche Singvogel wo i Mitteleuropa dor s ganz Joor döre haimisch isch. I de Alpe chunnt er bis zo 2600 müM vor.
Inhaltsverzeichnis |
Uussie [ändere]
De Rotgügger het en uufälig roote Buuch. De Chopf und de Schwanz sind schwarz, de Börzel wiiss und de Rogge grau. D Flögel sind schwarz. D Farbe vo de Wiibli sind blasser as die vom Mandli. Rotgügger wered 15 bis 17 cm gross, hend e Spannwiiti vo 22 bis 26 cm und wöget 21 bis 27 Gramm.
Lebeswiis [ändere]
De Rotgügger lebt i Noodel- und Mischwälder, i chliine Wäldli, Pärk, Gärte und uf Fridhööf mit Bömm und Büsch. Sis Nest baut er us Ästli i Bömm, em liebste Tane, und Stüücher und polsteret da mit Mies und Grääs uus. Rotgügger hend kai Revier. Er fresst Söömli, Chnospe und Beeri, mengisch au Insekte und chunnt im Winter as Fuetterhüsli. Er flüügt i lange Welelini nu wenig öbrem Bode, isch aber e biliebti Büüti vom Sperber.
Bsundrigs [ändere]
De Rootgügger cha liecht aglockt were, wemer sin melancholische Ruef nochemacht. Drom het er de Ruef en aifältige Vogel z sii.
Büecher [ändere]
- Heinz Staffelbach: Handbuch Schweizer Alpen; Bern 2008.ISBN 978-3-258-06895-4
- Stefan Ineichen (Hrsg.): Stadtfauna, 600 Tierarten der Stadt Zürich; Bern 2010; ISBN 978-3-258-07561-7
