Gsangbuech vo de Evangelisch-reformiirte Chilene vo de dütschsprochige Schwiiz

Us der alemannische Wikipedia, der freie Dialäkt-Enzyklopedy

S Gsangbuech vo de Evangelisch-reformiirte Chilene vo de dütschsprochige Schwiiz (RG)[1] isch s Gsangbuech, wo zur Ziit in de Schwiizer Reformiirte Chilene für dütschsprochigi Gottesdienst bruucht werde.

Im Advent 1998 isch es iigführt worde und het s Vorgängerbuech mit gliichem Name, aber de Abkürzig RKG us em Johr 1952 abglöst. Herusgäber vom Gsangbuech isch de Verei zu de Herusgab vom Gsangbuech vo de Evangelisch-reformiirte Chilene vo de dütschschprochige Schwiiz («Gsangbuechverein»), wo s Buech au erarbeitet het. De Erarbeitig isch in enger Zammenarbet mit de römisch-katholische und de christkatholische Chile vo de Schwiiz passiirt, so dass di ökumenische Liider im Buech kennzeichnet sind und es au en Überblick über d Liednummere vo de ökumenische Gsäng im römisch-katholische Gsangbuech git. Im Johr 2011 ischa u e DVD usegäh worde, uf der sich d Gsangbüecher vo allne drü Konfessione finde.

De Ufbau vom Buech stoht unterm Leitmotiv «Gottesdienst» und di 868 Lieder und Tekscht sind in folgendi sechs Kapitel glideret:

  • Gottesdienst in de Bible: Psalme und anderi Gsäng
  • Gottesdienst in de Gmeind
  • Gottesdienst im Johreschreis
  • Gottesdienst im Tageschreis
  • Gottesdienst im Lebenschreis
  • Gottesdienst in de Wält

D Liedsätz sind hüfig vierschtimmig und im Gsangbuech sind au mehrsprochigi, främdsprochigi und Dialäktlieder z finde.

Weblinks[ändere | Quälltäxt bearbeite]

  • Reformiirts Gsangbuech Website vo de Liturgiikommission vo de evangelisch-reformiirte Chilene vo de dütschschprochige Schwiiz

Einzelnochwis[ändere | Quälltäxt bearbeite]

  1. Normalusgab: ISBN 3290179001