Georg Hettich

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dialäkt: Schwäbisch
Dr Schorsch Hettich 2004 am Summer Grand Prix z Steibach-Hallebärg

Dr Georg Hettich (* 12. Oktober 1978 en Furtwange) isch an Schwarzwälder Sportloar, wo en dr Nordischa Kombinatioh en Turin 2006 Olympiasieger worra isch.

Als Jugendlicher hoadr Schienternat en Furtwanga bschuacht on dort sai Abitur gmacht. Denoach ischr zwoi Johr bei dr Sportferdrgrupp vo dr Bundeswehr en Todtnau-Fahl gwä. Jetzt woantr en Schonach em Schwarzwald ond startet fir da SV Schonach-Rohardsberg. Er isch Ingeniör-Schtudent, wofir er abr bloaß em Sommer Zeit fend.

Dr Schorsch Hettich hoat bei de Olympische Winterspiel em Joahr 2002 en Salt Lake City, bei dr WM 2003 en Val di Fiemme on bei dr WM 2005 z'Oberschtorf em Allgai mit dr Mannschaft je a Silbermedallje gwonna.

Bei de Olympische Winterspiel 2006 en Pragellato bei Turin hoadr em Gundersen-Wettbewärb (2 Sprüng uff dr kloina Schanz on 15 km Langlauf) zonächst des Sprenga gwonna, isch deswäg mit dr Startnommer Oins en'd Loipe gschtardet on isch au als Erschtr ond damit Wettkampf-Siager ens Zial komma. Des isch dr greßte Erfolg in sainra Laufbah als Sportloar.

Weblink[ändere | Quälltäxt bearbeite]