Gavotte

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Bretoone danze e Gavotte, Illustrazioon vom Randolph Caldecott us Bretonfolk, 1878

D Gavotte isch e historische Gsellschaftsdanz und wird immer no as Volksdanz in dr Bretagne danzt. Si isch vilmol e Bestanddäil vo dr barocke Suite.

D Gavotte in dr Barockmuusig[ändere | Quälltäxt bearbeite]

Kennzäiche für d Gavotte si:

  • Si het mäistens e schnälls Tempo im ene lääbhafte alla breve-Rhüthmus. Dr Johann Gottfried Walther schribt in sim "Musicalisches Lexikon" (Leipzig, 1732), ass d Gavotte vilmol seer schnäll sig, aber gläägentlig au langsam. Und dr Johann Joachim Quantz het im Versuch einer Anweisung die Flöte traversiere zu spielen (Berlin, 1752), ass e Gavotte äänlig wien e Rigaudon sig, aber moderater im Tempo.
  • Si het e graade Rhüthmus ooni Synkope oder Nääbebedoonige.
  • Dr Uftakt isch vilmol e halbe Takt lang.
  • Im Allgemäine het si mindestens zwäi Däil, und jeede vo deen bestoot us mindestens zwäi Fraase, wo widerholt wärde. Die zwäiti Fraase vo jeedem Däils foot normalerwiis in dr Middi vom ene Takt aa.

Nootebischbil[ändere | Quälltäxt bearbeite]

"A Tempo di Gavotti" vom Georg Friedrich Händel


Loose wie s döönt[ändere | Quälltäxt bearbeite]

Domenico Zipoli - Gavotte - b moll
Jean-Philippe Rameau - Gavotte und Variazioone
Jean-Philippe Rameau - Gavotte und Variazioone

Weblingg[ändere | Quälltäxt bearbeite]