Gaumenbein

Us der alemannische Wikipedia, der freie Dialäkt-Enzyklopedy
Hops zue: Navigation, Suech
D Schädelbasis von ere Chatz. Guumebei (Lamina horizontalis, rot), Pfluegscharbei (blau), Choane (Strichlinie).

S Guumebei (lat. Os palatinum) isch e Chnoche vom Schädel, gnauer vom Gsichtsschädel. Mit em Oberchiifer zsämme drennt s d Nase- vo dr Muulhöhli und stützt dr hinderi Deil vom herte Guume (Palatum durum).

S Guumebei wird in e horizontali Blatte (Lamina horizontalis) und e vertikali Blatte (Lamina perpendicularis) iideilt.

D Lamina horizontalis isch e Deil vom Guume und isch verbunde mit em Pfluegscharbei (Vomer). Ihre Hinterrand begränzt d Choanenöffnig.

Bi Süüger bildet d Lamina perpendicularis vom Guumebei zsämme mit em Keilbei (Os sphenoidale) und em Flügelbei (Os pterygoideum) (wo bim Mensch au zum Keilbei zehlt wird) d Flügelguumegruebe (Fossa pterygopalatina), wo Närve (Est vom Nervus maxillaris, Ganglion pterygopalatinum) und Bluetgfäss (Est vo dr Arteria maxillaris) duure gön.

Guume[ändere | Quälltäxt bearbeite]

S Wort Guume isch im Dialäkt nit glöifig und isch us em Hoochdütsche übernoo.[1] Es git käi volksdümligi Alternative für dä Begriff.

Litratur[ändere | Quälltäxt bearbeite]

  • F.-V. Salomon: Knöchernes Skelett. In: Salomon, F.-V. u. a. (Hrsg.): Anatomie für die Tiermedizin. Enke-Verlag, Stuttgart 2004, S. 37-110. ISBN 3-8304-1007-7

Fuessnoote[ändere | Quälltäxt bearbeite]

  1. Schwizerischs Idiotikon, Band 2, Spalte 306


Dä Artikel basiert uff ere fräie Übersetzig vu dere Version vum Artikel „Gaumenbein“ vu de dütsche Wikipedia.

E Liste vu de Autore un Versione isch do z finde.