Garuda

Us der alemannische Wikipedia, der freie Dialäkt-Enzyklopedy
Hops zue: Navigation, Suech
de Garuda

De Garuda (Sanskrit: गरुड Garuḍa m.; Pali: Garuḷa) isch im Hinduismus de König vo de Vögel und s Riittier (vahana) vom Gott Vishnu.

Giburt[ändere | Quälltäxt bearbeite]

De Garuda isch de Soo vo de Vinata und de Brüeder vom Aruna, em Wagelenker vom Sunegott Surya. Won er uf d Welt choo isch, het er ase starch glüüchtet, as sogär d Götter Angst vorem ghaa hend. Well d Kadru, d Muetter vo 1000 Schlange, drunder de Schlangekönig Shesha, sini Muetter underjocht hett, isch er de grösst Find vo de Schlange gsii. Um sini MUetter z bifraie, het er vom Donnergott Indra de Unsterblichkaitstrank Amrita gstole. Wel er aber selber nöd devo trunke gha het, het em de Vishnu d Unsterblichkait ggee. Als Gegegoob het er em Vishnu abotte, sis Riittier z were.

Ikonografii[ändere | Quälltäxt bearbeite]

De Garuda het de Liib und de Chopf vomene Maa, aber dezue rooti Adlerflögel, Adlerchlaue und en Adlerschnabel. De Garuda isch aus s Woppetier vo Indonesie und di indonesisch Fluglinie het sich noch im binennt.

Büecher[ändere | Quälltäxt bearbeite]

  • Hans Wilhelm Haussig (Hg.): Götter und Mythen des Indischen Subkontinents. Stuttgart: Klett-Cotta (1984). ISBN 3-12-909850-X