Galiläa

Us der alemannische Wikipedia, der freie Dialäkt-Enzyklopedy
Hops zue: Navigation, Suech
am Ufer vom See Genezareth
Banyas im Norde vo Galiläa

Galiläa (griechisch Γαλιλαία, latiinisch Galileia, hebräisch הגליל (haGalil) vo galil Kreis, Distrikt, en Abchürzig vo „galil ha-gojim“ = „Bezirk, Kreis vo de Heide“[1]), arabisch الجليل‎ al-Jalīl, isch e groosses Gebiet im Norde vo Israel, wo sich in die drei Deil Obergaliläa, Undergaliläa und Westgaliläa undergliideret.

Gschicht[ändere | Quälltäxt bearbeite]

Im 8. Johrhundert voe dr Zitwändi het die königlichi Dynastii vo de Omride s mächtige hebräische Riich Israel im Norde vom hütige Staat Israel bildet. Es het im wäsentlige d Gebiet vo Samaria und Galiläa umfasst. Das hebräische Riich het verschideni Stadtstaate und Kultzäntre vereint. Die wichtigsti Stadt isch Sichem mit em Tämpel Garizim gsi, si isch spöter vo dr Stadt Samaria abglöst worde. Galiläa isch vo de Assyrer eroberet und die israelischi Oberschicht deportiert worde. Uf däm Gebiet hai sich denn Aaghörigi vo verschidnige östlige Völker aagsiidlet. Underdesse isch s hebräische Südriich Juda um Jerusalem sterker worde. Noch em Undergang vo de Assyrer isch dr Tämpel z Jerusalem die zentrali Kultstett vo Israel worde und mä het brobiert, Galiläa under d Oberherrschaft vom König vo Juda z bringe. Noch em babylonische Exil het mä die Bolitik witer verfolgt und Galiläa isch Deil vom Jerusalemer Königdum worde. Under de Römer isch Galiläa en eignigi Brovinz gsi, die grössti in Palestina. D Chrüzfahrer hai us em e Fürstedum gmacht.

Geografii[ändere | Quälltäxt bearbeite]

Galiläa umfasst mehr as e Driddel vo Israel und goht „vom Dan im Norde, am Fuess vom Hermon bis zu de Gränze vom Karmel und Gilboa im Süde und vom Jordandaal im Oste über d Ebeni vo Jezreel und vo Akko zum Mittelmeer im Weste.“

Wichtigi Stedt

Litratur[ändere | Quälltäxt bearbeite]

Weblingg[ändere | Quälltäxt bearbeite]

 Allmänd (Commons): Galiläa – Sammlig vo witere Multimediadateie

Fuessnote[ändere | Quälltäxt bearbeite]

  1. In dr Bible Jes 8,23; noch 1 Makk 5,15 „allophyllôn“; lueg Der Kleine Pauly, Bd. 2/677

32.7635.527Koordinaten: 33° N, 36° O

Dä Artikel basiert uff ere fräie Übersetzig vum Artikel „Galiläa“ vu de dütsche Wikipedia.

E Liste vu de Autore un Versione isch do z finde.