Géranium
|
Dä Artikel bschribt e Müsikgrupp. Wittere Bedittunge hàt s unter Geranium. |
| Dialäkt: Mìlhüüserisch |
Géranium ìsch a elsassischer Müsikgrupp. Ar ìsch ànna 1975 grìnda worra, mìt em Hàuiptziel, d tràditionnella Volksliader uf'ra làwandiga un moderna Àrt z'sìnga.
Gschìcht[ändere | Quälltäxt bearbeite]
Ànna 1975 ìsch Géranium z'Milhüüsa grìnda worra, mìt viar Mìtglìeder[1]. Bi dana ìsch dr Daniel Muringer scho derbii gsìì[2].
Ìn dana Johra ìsch d Kültür „Folk“ wìrklig Moda gsìì, teil Kìnschtler han s tràditionnella Erbgüet gschätzt un wìder làwandig brocht. Bi dana gheert aui Géranium: sa han àlta elsassischa Liader gsüecht, vu àlta Auitora (wia zum Beispiel dr Jean-Baptiste Weckerlin, dr Joseph Lefftz, dr Louis Pinck). D Müsiker vu Gerànium han dia Liader uf Elsassisch gsunga un han derzüe Müsik gspìelt, uf àlta Müsikìnschtrumanta.
Dàs erscht Johr han sa scho a Album veräffentligt un mehrera Konzerta gmàcht.
Ànna 1983 hàr dr Grupp Géranium drèi Mìtglìeder ghàà: dr Denis Forget, dr Daniel Muringer un dr Patrick Osowiecki[3].
Ànna 1984 hàt Géranium a Spektàkel entwìckelt: „Tanz Maidla Tanz“, wo tràditionnella Tanz zeigt, mìt dr Tànztruppa „Waschba Folk“. France 3 Alsace hàt a Film ìwer dàs Spektàkel dreiht.
Dernawa hàt dr Grupp witterscht gmàcht, mìt Album, Konzerta un Tournées ìn verschìedena Lander.
Ànna 1985 hàt Géranium d Müsik „La conférence des Oiseaux“ komponiart, fer d mystischa persischa Gedìchta vum gliicha Nàmma z'begleita, un hàt's àn dr Verààstàltung „Les Tréteaux de Haute-Alsace“ presentiart.
Ìn da Johra norhar hàt Gérànium regelmaßig àn Theàterstìckla un Spektàkel mìtgmàcht: „Le Bourgeois Gentilhomme“ (1987, z'Sept), „Marianele, Marianele“ (1987, z'Màschgetz), „Baroufe à Chioggia“(1988, z'Nìedersept), „Histoire d'un Paysan“ noh-n-em Wark vum Erckmann-Chatrian (1989, z'Milhüüsa), „Mathis Nithart“ vum Émile Storck (1989, z'Màschgetz), „Le Grand Printemps des Rustauds“ (1991, z'Rìxa)...
Dr Grupp Geranium hàt aui vìel komponiart: „Requiem du Corbeau“ (1991), „Lieber Augustin“ (1991), „L'Amérique, ce n'est pas le Pérou !“ (1992), „La Goguette de la Bonne Goualante“ (1994)...
Hìttz'tàg gheera sechs Mìtglìeder zum Grupp Géranium: dr Marc Bernardinis, dr Marc Dietrich, dr Daniel Muringer, d Catherine Nachbauer, dr Patrick Osowiecki un dr Andrzej Rytwinski[4]. Dr Grupp spìelt un sìngt ìmmer noch tràditionnella elsassischa Volksliader, àwer si Repertoire hàt sìch verbreitet, mìt Liader ìn àndra Sprocha, un d Müsiker känna uf sehr verschìedena - mankmol exotischa - Müsikìnschtrumanta spìela.
Album[ändere | Quälltäxt bearbeite]
- Mer derft se hett noch singa (1975)
- Uff d’Kilwa zue Arfolk (1976)
- Tanz Maidla Tanz (Géranium & Cie) (1978)
- Morgarot (1981)
- Hampelmann (1984)
- Tanz Maidla Tanz (Géranium & Waschba Folk) (1985)
- Histoire d’un Paysan (1988)
- Le Requiem du Corbeau (1990)
- Cantate des Peuples d’Europe (1993)
- Fresch Uff (2003)
- Goethe im Elsass (2006) noh da vum Goethe ìm Elsàss uffzeichneta zwälf Volksliader
- Winterreesla (2009), CD un regionàla tournées 2011, Wiahnàchts- un Nèijohrsliader üss'm Elsàss un àndra Lander
- Kriagschrìfta, écritures alsaciennes 14-18 (2014) Elsassischa Schrìftsteller un vertonta Dìchter ìwrem erschta Waltkriag
Externa Links[ändere | Quälltäxt bearbeite]
Referanz[ändere | Quälltäxt bearbeite]
- ↑ Gschìcht vu Géranium (fr) Archivlink (Memento vom 21. Septämber 2013 im Internet Archive)
- ↑ Perseenliga Sitta vum Daniel Muringer (fr)
- ↑ Perseenliga Sitta vum Patrick Osowiecki (fr) Archivlink (Memento vom 9. März 2009 im Internet Archive)
- ↑ Sitta vu da Müsiker Archivlink (Memento vom 21. Septämber 2013 im Internet Archive)