Friide vo Basel 1795

Us der alemannische Wikipedia, der freie Dialäkt-Enzyklopedy


Dä Artikel behandlet d Basler Friidenschlüss im Joor 1795. Für e Friide vo 1499 zwüschem Kaiser Maximilian I. und dr Schwizer Eidgenosseschaft lueg Friide z Basel
Dialäkt: Baseldütsch

Dr Friide zwüsche Preusse und dr Französische Republik[ändere | Quälltäxt bearbeite]

Charte vo Middeleuropa zur Ziit vom Basler Friide vo 1795

Am 5. April 1795 hai dr Karl August von Hardenberg für Preusse und dr François de Barthélemy für die Französisch Republik z Basel ä Friidesverdrag underschriibe, wo vom Basler Grossroot Peter Ochs vermiddlet worden isch, und Preusse isch uus em 1. Koalitionschrieg (1792–1797) gege die revolutionäri Französische Republik uusgschiide. Es het Frankriich siini Gebiet weschdlig vom Rhii überlo, und d Franzose hai verschbroche, ass si uf dr rächte Rhiisiite entschädigt wurde. Am 17. Mai isch ä Demarkationslinie feschdgleit worde, wo d Gränze vo de neutralisierte Gebiet in Norddütschland und im Fränkische Riichskreis feschdgleit het.

Dr Friide zwüsche Schbanie und dr Französische Republik[ändere | Quälltäxt bearbeite]

Am 22. Juli 1795 isch ä Friide zwüsche Schbanie und dr Französische Republik im Peter Ochs sim Stadtbalä, em Holstäinerhoof abgschlosse worde. Im Verdraag het Schbanie uf siini Gebiet uf dr Insle Haiti verzichtet und d Koalition gege die Französisch Republik verloh.