Freie Demokratische Partei

Us der alemannische Wikipedia, der freie Dialäkt-Enzyklopedy

Freie Demokratische Partei
Parteivorsitz	Guido Westerwelle
Gene­ral­sekre­tär	Dirk Niebel
Stell­ver­tretendi Vorsit­zendi	Rainer Brüderle Andreas Pinkwart Cornelia Pieper
Bundes­gschäfts­füehrer	Hans-Jürgen Beerfeltz
Bundes­schatz­meister	Hermann Otto Solms
Ehre­vor­sit­zendi	Walter Scheel Hans-Dietrich Genscher Otto Graf Lambsdorff
Gründig	12. Dezember 1948
Gründigs­ort	Heppeheim
Haupt­sitz	Thomas-Dehler-Haus Reinhardtstraße 14 10117 Berlin
Bundestagsmandat	61 (10 %)
Staatligi Zueschüss	9.872.067,82 € (2006)
Mitglii­derzahl	öbbe 66.000 (Stand: 29. Dezember 2008) [1]
Mindest­alter	16 Johr alt
Fraue­a­deil	22,8 Prozent [1]
Farbe	blau-gelb
Websiite	www.fdp.de

Die Freiji Demokratischi Partei (FDP bzw. 1968–2001 F.D.P.^[2]) isch e liberali Partei z Dütschland. Si isch vo 1949 bis 1956, vo 1961 bis 1966 und vo 1969 bis 1998 an der Bundesregierig bedeiligt gsi und so insgsamt lenger und hüfiger as alli andere Parteie.

[ändere] Politischi Ziil

D Leitlinie vo dr FDP si in de Wiesbadener Grundsetz verankeret. Für d FDP isch d „Stärkig vo dr Freiheit und Verantwortig vom Einzelne“ e zentrals Ziil.^[3]

[ändere] Wirtschafts- und Sozialpolitik

Vo allne Parteie, wo im Bundesdag verdräte si, verfolgt FDP am sterkste wirtschaftsliberali Ideä.

Ihr zentrals Ziil isch d Schaffig vo Arbetsplätz dur e Verbesserig vom Investitionsklima. Das söll erreicht wärde under andere mit eme Abbau vo dr Bürokratii, mit Privatisierige, Deregulierig, Abbau vo Subventione und ere Reform vom Tarifrächt. D Verschuldig vom Staat söll reduziert wärde. In der Globalisierig gseht d Partei vor allem Chance.

In dr Stüürpolitik forderet si en einfachs Stüürrächt. S Modäll vo dr Iikommenstüür gseht e Stuefetarif vor. Langfristig sott e sogenannti Flat Tax agsträbt wärde. Mit Stüürsänkige soll d Chaufchraft vo de Arbetsnähmer erhöht und d Wirtschaft beläbt wärde. D FDP het mit für d Erhöhig vo dr Mehrwärtsstüür gstimmt und stoht ere au hüt no kritisch gegenüber.

In der Sozialpolitik wird d Iiführig vom ene Bürgergäld agsträbt, wo alli stüürfinanzierte soziale Hilfe vom Staat drin zsämmegfasst wärde. D Sozialversicherige sölle vo kapitaldeckte System ergänzt oder ersetzt wärde, für zum so z. B. d Ränte vo de Arbetsnähmer z sichere.

In der Energiepolitik forderet d FDP e Mix us erneuerbare Energie, Chohle, Öl und Gas. Dr Usstiig us dr Nuklearenergii wird kritisch gseh.

[ändere] Nowiis

1. ↑ ^{1,0 1,1} [1] - abgrueft am 29. Dezember 2008
2. ↑ Was es mit den Pünktchen auf sich hat
3. ↑ Bundessatzung in der Fassung vom 15. Juni 2007 abgrüeft am 16. Juli 2007 Zitat:„Verpflichtendes Ziel für alle Liberalen ist die Stärkung von Freiheit und Verantwortung des einzelnen.“