Francisco Franco

Us der alemannische Wikipedia, der freie Dialäkt-Enzyklopedy
Dr Franco 1964

Dr Francisco Paulino Hermenegildo Teódulo Franco y Bahamonde Salgado Pardo (* 4. Dezämber 1892 z Ferrol, Galizie; † 20. Novämber 1975 z Madrid), churz Francisco Franco [fɾanˈθisko ˈfɾaŋko], isch e schbanische General und Diktator gsi. In dr Zit vo 1939 bis zu sim Dood isch dr Franco Staatsschef vo Schbanie gsi.

Under em Franco siner Füerig häi rächti Milidäär im Juli 1936 e Staatssträich gege die republikanischi Regierig vo Schbanie, wo im Februar 1936 demokratisch gweelt worden isch, usgfüert. Es isch zum ene Bürgerchrieg choo, wo sich Nazi-Dütschland und s faschistische Königriich Italie uf dr Site vo de Frankiste iigmischt häi, wääred d Republikaner nume vo dr Sowjetunion underschdützt worde si. Die öiropäische Demokratie häi sich für nöitraal erkläärt. 1939 häi die ufständische Chreft s ganze Land eroberet und dr Franco, wo z Schbanie als El Caudillo („Dr Füerer“) bezäichnet worden isch, het s Land diktatorisch afo regiere. Opposizionelli si zu Duusige verhaftet und ermordet worde. Im Joor 1946 het dr Franco z Schbanie d Monarchii wider iigfüert, het aber käi Köönig ernennt und isch bis 1975 Regänt vom Köönigriich Schbanie bliibe.

Litratur[ändere | Quälltäxt bearbeite]

  • Juan Pablo Fusi Aizpurúa: Franco. Spanien unter der Diktatur 1936–1975; München: dtv, 1992; ISBN 3-423-04576-0.
  • Bartolomé Bennassar: Franco; Paris: Perrin, coll. « Tempus », 2002 (19951; ISBN 2262018952.
  • Stanley G. Payne: Franco and Hitler. Spain, Germany, and World War II. Yale University Press, New Haven 2008; ISBN 978-0-300-12282-4.
  • Paul Preston: Franco. A Biography. Fontana Press, London 1993, ISBN 0-00-686210-1.
  • Eberhard Straub: Das spanische Jahrhundert. Siedler, 2004; ISBN 3886807398
  • Geoffrey Jensen: Franco. Soldier, Commander, Dictator; Brassey’s US, 2005; ISBN 1574886444.

Weblingg[ändere | Quälltäxt bearbeite]

 Commons: Francisco Franco – Sammlig vo Multimediadateie