Foramen infraorbitale

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dr Oberchiifer vom Mensch

S Foramen infraorbitale („Underaugeloch“) isch en Öffnig im Schädel im Beriich vo dr Vorderflechi (Facies anterior) vom Oberchiifer. Es liit bim Mensch öbbe 1 cm underhalb vom underen Augehöhlirand. S Foramen infraorbitale isch die üsseri Öffnig vom Underaugekanal (Canalis infraorbitalis). Do chömme dr Nervus infraorbitalis und d Arteria infraorbitalis duure.

S Foramen infraorbitale isch eine vo de Trigeminusdruckpunkt. Dur Injektion vom ene Leitigsanästetikum in d Umgäbig vom Underaugeloch cha dr Nervus infraorbitalis usgschaltet wärde (Regionalanästhesii). D Leitigsanästhesii cha vo usse (extraorale Zuegang) oder am siitlige Schniidzahn vo dr Muulhöhli us (intraoral) gmacht wärde und schaltet Schmärze vo de Oberchiiferschniidzehn, de Eggzehn und de Prämolare, vom Mundhöhlevorhof, vo dr Oberlippe, de Nasenflügel und vom vordere Oberchiifer.

Litratur[ändere | Quälltäxt bearbeite]

  • Franz-Viktor Salomon: Nervensystem, Systema nervosum. In: Salomon/Geyer/Gille (Hrsg.): Anatomie für die Tiermedizin. Enke Stuttgart, 2. erw. Aufl. 2008, S. 464-577. ISBN 978-3-8304-1075-1
  • Norbert Schwenzer: Zahn-mund-kiefer-heilkunde: Zahnärztliche Chirurgie. Band 3. Georg Thieme Verlag, 2000, ISBN 9783131169631, S. 17–18.
Dä Artikel basiert uff ere fräie Übersetzig vu dere Version vum Artikel „Foramen_infraorbitale“ vu de dütsche Wikipedia.

E Liste vu de Autore un Versione isch do z finde.