Fondation Beyeler

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Fondation Beyeler
Switzerland riehen fondation beyeler.jpg

Bligg vom Park us

Date
Ort Rieche BS
Art klassischi Modärne
Archidekt Renzo Piano
Eröffnig 18. Oktober 1997
Bsuecherzahl (jöhrlig) 368'705 (2012)[1]
Leitig Sam Keller
Dialäkt: Baseldütsch
Skulpture vom Alexander Calder (vorne) und vom Ellsworth Kelly im Park vo dr Fondation

D Fondation Beyeler isch e Schwizer Kunstmuseum und e Stifdig mit Sitz in Rieche im Kanton Baasel-Stadt.

Dr Fondation Beyeler ghöört d Kunstsammlig vo dr Hildy und vom Ernst Beyeler, wo s Ehebaar wäärend öbbe 50 Joor gsammlet het und wo 1982 in d Stifdig überfüert worde isch. 1989 isch d Sammlig mit em Schwerpunggt uf die klassischi Modärne und d Geegewartskunst zum erste Mol öffentlig zäigt worde, und zwar im Museo Nacional Centro de Arte Reina Sofía z Madrid.

Dr Diräggter vo dr Fondation Beyeler isch zerst dr Ernst Beyeler sälber gsi, vom 1. April 2003 aa dr Christoph Vitali und sit em Januar 2008 isch s dr Sam Keller.

S Museumsgeböid[ändere | Quälltäxt bearbeite]

1994 het dr Archidekt Renzo Piano dr Ufdraag überchoo, für d Sammlig en öffentligs Museum z baue. Es isch denn am 18. Oktober 1997 im Park vom Berower Guet z Rieche bi Baasel (Schwiz) eröffnet worde. Dr Museumsbau isch uf e glungeni Art in d Umgääbig iibettet, mit eme Bligg uf Obstmatte in de Langen Erle und uf s Flussdaal vo dr Wiise. Dr Bau isch 127 Meter lang und lit an dr verkeersriiche Baaselstrooss; gegen e Lärm het s e Muure, wo mit Porphyrblatte verkläidet isch.

D Sammlig[ändere | Quälltäxt bearbeite]

In dr Sammlig Beyeler het s öbbe 250 Wärk us dr klassische Modärne und dr Geegewartskunst. Si dokumentiert dr persönlig Bligg vom Galeriste-Ehebaars Hildy und Ernst Beyeler uf d Kunst vom 20. Joorhundert. Under anderem wärde Wärk vom Degas, Cézanne, Monet, Rousseau, van Gogh, Kandinsky, Matisse, Léger, Giacometti, Picasso, Miró, Calder, Klee, Ernst, Mondrian, Warhol, Lichtenstein oder Bacon zäigt.[2] D Rothko Rooms si e Presentazion vo Wärk vo däm Künstler, wo usserhalb vo de USA äimoolig isch. De Kunstwärk vo dr klassische Modärne wärde öbbe 25 Objekt us dr Kunst vo Stämm us Afrika, Ozeanie und Alaska gegenübergstellt.

1999 het mä dr groossi Saal im Norde vom Geböid um zwölf Meter erwiteret, so dass sithäär e Driddel vo dr Ustelligsflechi, wo im Ganze 3800 Quadratmeter gross isch, für Sonderusstellige vha reserwiert wärde. Die ergänze die ständigi Sammlig oder stönde mit ere im Dialog. Au im Gaarde um s Museum ume wärde immer wider Sonderusstellige zäigt, wo mä nid in s Museum iine muess zum sä aaluege.

Usstellige (Uswaal)[ändere | Quälltäxt bearbeite]

Film[ändere | Quälltäxt bearbeite]

  • Fondation Beyeler in Riehen bei Basel. Dokumentarfilm, Dütschland, 2011, 29:30 Min., Buech und Reschii: Martina Klug, Produktion: SWR, 3sat, Ersti Sändig: 13. Novämber 2011, Räije: Museums-Check mit em Markus Brock, Inhaltsaagoob und Video vo 3sat, mit em Dani Levy und em Diräggter Sam Keller.

Weblingg[ändere | Quälltäxt bearbeite]

 Allmänd (Commons): Fondation Beyeler – Sammlig vo witere Multimediadateie

Fuessnoote[ändere | Quälltäxt bearbeite]

  1. Besucherstatistik, Homepage Museen Basel (lueg im Abschnitt «Monografisches», abgrüeft am 9. August 2013
  2. Liste der Künstler der Sammlung Fondation Beyeler, abgrüeft am 2. September 2013.
  3. Dalí, Magritte, Miró – Surrealismus in Paris, Fondation Beyeler, abgerufen am 30. Oktober 2011
  4. Edgar Degas Homepage Fondation Beyeler
  5. Schenkung Collection Renard Die Tageswoche, abgrüeft am 9. August 2013
  6. Maurizio Cattelan My Art Guides, abgrüeft am 9. August 2013
Dä Artikel basiert uff ere fräie Übersetzig vum Artikel „Fondation_Beyeler“ vu de dütsche Wikipedia.

E Liste vu de Autore un Versione isch do z finde.

47.5881388888897.6510555555556Koordinaten: 47° 35′ 17,3″ N, 7° 39′ 3,8″ O; CH1903: 615980 / 270849