Fernando de Noronha

Us der alemannische Wikipedia, der freie Dialäkt-Enzyklopedy
Fernando de Noronha
Luftbild
Luftbild
Luftbild
Gwässer Atlantik
Geografischi Lag 3° 51′ S, 32° 25′ WKoordinate: 3° 51′ S, 32° 25′ W
Karte von Fernando de Noronha
Karte von Fernando de Noronha
Zahl vo de Insle 13 (+8 Klippe)
Hauptinsle Fernando de Noronha
Gsamtflechi 26 km²
Iiwohner 3000
Charte vo de Insle
Charte vo de Insle
Charte vo de Insle

Fernando de Noronha isch e brasilianischi Inselgrubbe im Atlantik. Iire Ursprung isch vulkanisch. D Insle ligge öbbe 350 km östlig vom brasilianische Festland und ghööre zum Bundesstaat Pernambuco. Dr Naame vom Archipel chunnt vom portugiisische Händler Fernão de Noronha, wo d Insle vo dr portugiisische Chrone gschänkt überchoo het für sini Verdienst um e Holzimport us Brasilie.

Geografii[ändere | Quälltäxt bearbeite]

D Inselgrubbe bestoot us 21 separate Landflechene mit ere Gsamtflechi vo 26 km². D Hauptinsle, won dr gliich Naame wie dr Archipel het, isch die grössti Insle und die äinzigi, wo bewoont isch. Si het e Flechi vo 17 km². Dr Morro do Pico isch die höggsti Erhebig uf dr Insle und isch 321 m hooch.

Näbe dr Hauptinsle het s non e baar chliini Insle:

  • Ilha Rata
  • Ilha da Conceição (do Morro de Fora)
  • Ilha de São José
  • Ilha do Chapéu do Nordeste
  • Ilha Trinta-Réis
  • Ilha Rasa
  • Ilha Chapéu do Sueste
  • Ilho dos Ovos
  • Ilha do Meio
  • Ilha do Lucena
  • Ilha do Cuscuz
  • Ilha Cabeluda

S Klima[ändere | Quälltäxt bearbeite]

S Klima isch s ganze Joor lang dropisch häiss. Die durchschnittligi Tämpratur isch 28 °C. Es git zwäi Jooreszite, d Drochezit (September bis Februar) und d Räägezit (Merz bis August).

D Bevölkerig[ändere | Quälltäxt bearbeite]

D Hauptinsle isch sit öbbe 400 Joor besiidlet und het jetz fast 3'000 Iiwooner. Die mäiste lääbe im Hauptort Vila dos Remédios.

D Wirtschaft[ändere | Quälltäxt bearbeite]

Vor zää Joor het d Bevölkerig no fast usschliesslig vom Fischfang und vo dr Landwirtschaft gläbt. Hüte schaffe nume no öbbe 40 Persone in dene Beriich, wäärend 500 im Turismussektor beschäfdigt si.

Kwelle[ändere | Quälltäxt bearbeite]

  • Almeida,F.F.M.: The Fernando de Noronha archipelago. Hrsg.: Schobbenhaus, C.; Campos, D. A.; Queiroz, E. T.; Winge, M.; Berbert-Born, M. 2000.

Weblingg[ändere | Quälltäxt bearbeite]

Dä Artikel basiert uff ere fräie Übersetzig vum Artikel „Fernando_de_Noronha“ vu de dütsche Wikipedia. E Liste vu de Autore un Versione isch do z finde.