Felssporn

Gländsporn mit Felsdoodle in der Tatra

Dr mächtigi Basaltfelse vo dr Riegersburg (Steiermark)

Die samfti hinderi Site am Burgsporn vo dr Liebefels (Kärnte)

As Felssporn, Felsnaase, Gländsporn oder Bärgsporn bezäichnet mä e Felse, wo schroff us eme Berghang uusestoot. Er stoot Gländ umen ume nit nume wäge siner Form uuse, sondern hüfig au wäge siner Geologii (Art vom Gstei, Tektonik).

Felsnaase oder -Sporn häi nid umbedingt e Gipfelpunkt. Au eme Bärgrugge, wo nume uf zwei oder drei Site scharf abfallt, cha mä as Sporn bezäichne.

In dr Vergangeheit het mä an sonig Stelle am Sporn oder Steilhang, wo stotzig über eme Daal lige und wo män ä Spornlaage säit, gärn Burge baut, wil mä die liicht het chönne verdeidige und wil mä vo dört us d Vercheerswääg im Daal het chönne kontrolliere und Signaal zu benoochberte Burge sände. S grösste Brobleem, wo mä im Fall von ere Belaagerig gha het, isch d Drinkwasserversorgig gsi.

Bischbil für sonigi Burgfelse findet mä vor allem in de Alpe. In de dütsche Middelgebirg si sonigi scharfi Felsesporn sälte.

• z Kärnte und in dr Stäiermark:
  • d Burge Hochosterwitz und Riegersburg (d Riegersburg stoot uf eme Vulkanit)
  • d Ebbestäi (Chalchfelse)
• in dr Schwiz:
  • d Wildeburg im Kanton Zug
  • d Farnsburg im Baselbiet
• in Süddütschland und Saggse:
  • Burg Wildestäi und d Hangburg Ehrefels
  • d Kriebstäi z Saggse.

Dä Artikel basiert uff ere fräie Übbersetzig vum Artikel „Felssporn“ vu de dütsche Wikipedia. E Liste vu de Autore un Versione isch do z finde.