Fasnachtsverbrennig

Us der alemannische Wikipedia, der freie Dialäkt-Enzyklopedy

D Fasnetsverbrennig isch s Uustriibe un s End vo de Fasnet mit m Verbrenne vom Böögg.

Fasnetsverbrennig vom Böög in Laufeburg 1963

Am End vo de Fasnet, am Zieschdig vor em Aschermittwoch wird d Fasnet uustriebe. Dodezue wird de Böögg baut un verbrennt. De Böögg isch e Schtrohpuppe. Si würd mit eme Kiddl un ere Hoose azooge. Ä Gsicht würd m au gmacht mit Auge un ere Gälrüebnase. Wenn er fertig isch, un wenn s dunkl isch, würd de Böög über de Schtroß oder am zentrale Platz vom Ort am e Droht oder em Galge ufghängt. Denn würd er mit Benzin übergosse un azündet. Oft gönn denn Knaller un Leuchtrakete hoch, wo im Böögg verschteckt sin. Dno explodiert de Böögg un d Fasnet isch begrabe. Meng mol, wiä in Bad Säckinge, goht no n Menschezug in wisse Linne un Zipfelmütze bis um Mitternacht durch d Schtroße, wo si mit Trommle di letschti Überrescht vo de Fasnet vrtriebe.[1]

D Fasnetsverbrennig wiä obe bschriebe würd gmacht in Laufeburg, Bad Säckinge,[2] Winterthurer Fasnacht,[3] Solothurn,[4] Wigoltinge,[5] Tägerwiile,[6] Chrüzlinge un an viele andre Ort. Z Konschdanz werde d Münschterhexe verbrennt.[7]

De Böögg[ändere | Quälltäxt bearbeite]

De Böögg isch s Symbol für d personifizierti Fasnet oder de personifiziert Winter. Böögg sin in de ganze dütschsprochige Schwiz bekannt als vermummti Persone, wo sich im Mittelalter a de Fasnet uf de Schtroße bettelnd umetriebe hön. Z Basel würd scho im Johr 1417 berichdet, dass als Böögg verkleiditi Lüt a de Fasnet ehrbari Iwohner in ihre Wohnunge überfalle hön. Au de Böögg vom Sächsilütte z Züri hät ursprünglich mit em Fasnets-Böögg zdue.[8]

Bis hüt isch unklar, wo s Wort Böögg herkunnt. S isch ähnlich mit m englische bogy, bogle oder boggle, wo alli Schreckgschpenscht meine un uff s walisischi bwg (säg: bug) „Geischt“ oder bwgwl (säg: bugul) „Schrecke“ zruckgführt würd, was abr alles hökscht unklar isch.[8]

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. Die Verbrennung uf de Website vo de «Narrenzunft Bad Säckingen e. V.»
  2. Böög-Verbrennung: Fasnacht 2016 endet in diesem Jahr ohne großen Knall Südkurier, Artikel vom 10. Februar 2016
  3. Winterthurer Fasnacht endet mit einem Knall toponline.ch, Artikel vom 15. Februar 2016
  4. Fasnacht Solothurn: Böögg-Verbrennung erschreckt Publikum srf.ch, Artikel vom 12. Februar 2016
  5. Buure-Fasnacht Wigoltingen gibt Vollgas Chrützlinger zytig, Artikel vom 4. März 2014
  6. Der Böög lachte noch (Site cha nüme abgrüeft wärde; Suche im Webarchiv)[1] [2] Vorlage:Toter Link/www.thurgauerzeitung.ch Thurgauer Zytig, Artikel vom 29. Februar 2012
  7. Fasnachtverbrennung uf de Website vo de Münsterhäxe
  8. 8,0 8,1 Der Sechseläutenböögg und andere Bööggen under «Wortgeschichten», uf de Website vom Schwizerische Idiotikon