Falange

Us der alemannische Wikipedia, der freie Dialäkt-Enzyklopedy
Hops zue: Navigation, Suech
D Faane vo dr Falange Española

D Falange Española ([fa'laŋxe], vom griechischen φἄλαγξ phálanx „Baumstamm“, „Walze“, „Rolle“, „Schlachträije“) isch en ultranazionalistischi, faschistischi und antikommunistischi Beweegig z Schbanie gsi.

D Falange isch im Joor 1933 gründet worde. Wäärend dr Zwäite Republik isch si e Splitterbardei bliibe. Noch em Waalsiig vo dr Volksfront 1936 häi Falangiste en Mordaaschlaag gegen e Sozialist Jiménez de Asúa gmacht und d Volksfronregierig het d Bardei verbotte. D Füerer vo dr Falange, drunder dr José Antonio Primo de Rivera, won e „Nazionalsyndikalistische Revoluzioon“ het welle mache, si festgnoo worde. Noch em Usbruch vom schbanische Bürgerchrieg het mä sä im ene Schauprozäss zum Dood verurdäilt und am 20. Novämber 1936 verschosse. 1937 het dr Franco d Falange und mit dr carlistische Comunión Tradicionalista zur Falange Española Tradicionalista y de las JONS veräinigt. D Bardei het iiri revoluzionääre Ideä verloore und isch zur zur Staatsbardei vom Frankismus worde. 1970 isch si in Movimiento Nacional umbenennt worde. Bis zum Dood vom Franco isch si die äinzig erlaubti Bardei z Schbanie gsi.

Liddratuur[ändere | Quälltäxt bearbeite]

  • Bernd Nellessen: Die verbotene Revolution. Aufstieg und Niedergang der Falange; Hamburg: Leibniz-Verlag 1963 (= Hamburger Beiträge zur Zeitgeschichte 1)

Weblingg[ändere | Quälltäxt bearbeite]

 Allmänd (Commons): Falange – Sammlig vo witere Multimediadateie
Dä Artikel basiert uff ere fräie Übersetzig vum Artikel „Falange“ vu de dütsche Wikipedia.

E Liste vu de Autore un Versione isch do z finde.