Faizabad z Afghanistan

Us der alemannische Wikipedia, der freie Dialäkt-Enzyklopedy
فیض‌آباد
Faizabad
Faizabad (Afghanistan)
Faizabad (Afghanistan)
Faizabad
Faizabad
Faizabad
Koordinate 37° 7′ 6″ N, 70° 34′ 39″ OKoordinate: 37° 7′ 6″ N, 70° 34′ 39″ O
Basisdate
Staat Afghanistan

Provinz

Badakhshan
Höchi 1200 m
Flechi 7 km²
Iiwooner 60.000 (2010)
Dichti 8.571,4 Ew./km²
Politik
Burgermeischter Nazri Mohammad[1]
Luftbild vo Faizabad
Luftbild vo Faizabad
Luftbild vo Faizabad

Faizabad (au Feyzabad, Fayz Abad; Persisch فیض‌آباد) isch d Hauptstadt vo dr Browinz Badakhshan (mä säit Badachschan), dr ermste Browinz in ganz Afghanistan.

Geografii[ändere | Quälltäxt bearbeite]

Faizabad lit uf ere Hööchi vo öbbe 1.200 m; d Bärg in dr nööchere Umgääbig si si öbbe 800 m hööcher as d Stadt. Dr Fluss Kookcha fliesst zmizt dur d Stadt duure; nördlig vom Fluss lit d Altstadt, südlig d Nöistadt.

Bevölkerig[ändere | Quälltäxt bearbeite]

Die mäiste Iiwooner si Tadschike und Usbeke. Usserdäm het s no Paschtune und Turkmene.

D Religion isch dr Islam, die mäiste Lüt si Sunnite, aber es git au Schiite und Ismailite. D Sprooch wo am mäiste gschwätzt wird, isch Dari (Persisch).

Wirtschaft[ändere | Quälltäxt bearbeite]

D Browinz Badakhshan isch zwar riich an Boodeschetz, si isch aber äinewääg die ermsti Browinz im Land und die durchschnittligi Lääbenserwartig isch nume 47 Joor. Im Aabau vo Moon isch si aber am erste Blatz. Die grösste Laager uf dr ganze Wält vom Halbeedelstäi Lapislazuli si do und wärde sit 3000 Joor abbaut. Au Rubin, Smaragd, Amethyst und Gold wärde gförderet. D Landwirtschaft und d Veezucht (Schööf, Gäisse, Röss) si wichdig und es wird vil Moon und Cannabis aabaut.

Söön und Döchder vo dr Stadt[ändere | Quälltäxt bearbeite]

  • Burhanuddin Rabbani, wo dr politischi Füerer vo dr Nordallianz in Afghanistan gsi isch

Fuessnoote[ändere | Quälltäxt bearbeite]

  1. Christoph Ehrhardt: Nicht ohne meine Mudschahedin. In: Frankfurter Allgemeine Zeitung. 30. November 2011, abgruefen am 1. Dezember 2011.

Weblingg[ändere | Quälltäxt bearbeite]

 Commons: Faizabad – Sammlig vo Multimediadateie
Dä Artikel basiert uff ere fräie Übersetzig vum Artikel „Faizabad_(Afghanistan)“ vu de dütsche Wikipedia. E Liste vu de Autore un Versione isch do z finde.