Fürstenberg (Baar)

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Firschteberg
Alter Stich vum Firschteberg, aafangs 19. Johrhundert

Alter Stich vum Firschteberg, aafangs 19. Johrhundert

Hechi 918,2 m
Lag Bade-Wirttebärg, Dytschland
Geografischi Lag 47° 53′ 27″ N, 8° 33′ 37″ O47.89088.5602918.2Koordinaten: 47° 53′ 27″ N, 8° 33′ 37″ O
Fürstenberg (Baar) (Baden-Württemberg)
Fürstenberg (Baar)
Typ Zyygebärg

f

Dr Firschteberg (dt. Fürstenberg) isch e 918,2 m hoche Zyygebärg uf dr Boor z Bade-Wirttebärg. Är lyt iber em glychnammige Orstdeil vu Hiifeinge, as dr vorderscht Bärg vu dr „Lengi“, wu zum Boorjura ghert zwische dr Schwebische Alb un em Schwarzwald bzw. em Rande un em Schwyzer Jura. Dr Namme vum Bärg (un au vu dr Adelsfamilie) leitet sich also nit vu dr spetere Firschte vu Firschteberg ab, sunder vu däm „fürderste“ Bärg.

Gschicht[ändere | Quälltäxt bearbeite]

Urspringli isch s Tammburg vu dr Grofe vu Firschteberg, d Burg Firschteberg, uf em Bärgchapf gläge. S Adelsgschlächt isch e Sytelinie vu dr Grofe vu Urach. Dr Grof Heinrich I. von Urach het Mitti vum 13. Johrhundert syy Sitz uf dr Firschteberg gleit un het sich vu do ab „Grof vu Firschteberg“ gnännt. wel im Buurechrieg au unter dr Firschtebärger Burger vil Ufständischi gsi sin, hän d Fischte vu Firschteberg dr Bärg wider verloo un hän ihre Sitz uf Eschinge verleit. Uf em Chapf vum Firschteberg het s e Stadt gee, wu am Morge vum 18. Juli 1841 dur e Brunscht ganz abbrännt, wu wahrschyns dur Funkeflug usglest un dur stirmischi Wind stark aagschirgt woren isch. D Ortschaft Firschteberg isch derno am Bärgfueß wider ufböue wore.

Hitigi Situation[ändere | Quälltäxt bearbeite]

Augustinuskapelle uf em Firschteberg

Hite git s näbe dr Chilchhofräscht un Muurgräbe vu dr ehmolige Burgstadt e Stapflegibel-Kapelle, wu im booremer Traditionsstil nej böue woren isch zue Ehre Kuriekardinal Augustin Bea, wu vu Reidbehringe stammt.

S uussichtsryych Gipfelplatoo (mit Blick iber d Boor, dr Schwarzwald un d Schwyzer Alpe) isch e beliebt Wanderziil un Startpunkt fir Drache- un Gleitschirmflieger.

Dä Artikel basiert uff ere fräie Übersetzig vu dere Version vum Artikel „Fürstenberg_(Baar)“ vu de dütsche Wikipedia.

E Liste vu de Autore un Versione isch do z finde.