Evert Thielen

Us der alemannische Wikipedia, der freie Dialäkt-Enzyklopedy
dä Evert Thielen, 2019

Evert Thielen (* 16. April 1954 z Venlo) isch e flämischer Moler. Er wuhnt z Brügge in Belgie un isch wege sinni Bilder bekonnt. Mit dä Gschichte vun sinnem Grossvater z’illuschtriere het er ogfonge. Er isch ällewell schu fasziniert gsi iber verschiedeni Tafle oder Tryptichons hinwäg z mole.

Uf dr Kunstakademi het er d’verschidene Technike vum Mole studiert. Sin grosses Vorbild isch dä flämische Moler Jan van Eijk gsi. Där het en dezue brocht zitgnösischi Bilder mit alti Technike z mole.

Farbe[ändere | Quälltäxt bearbeite]

Dä Thiele stellt, wie d’alte Meischter au, sinni Farbi sälber her. Wie dr Rembrandt un de Vermeer mischt är siini Farbe us viile verschidene Pigment. Der Grundschtoff isch Kriide un Kleber vu Dier. Är benutzt Goldblättli un molt uf schu vorheri igrohmti Panele. Är nimmt keini Elfarbe, wil er meint, dass El alles ins gääli dreht. Är verwendet Temepra un bindet d’Farbe mit frischem Eidotter. Di Farb muess schnäll verschtriche wäre und het denno e mattigs Usähne.

Ustellunge[ändere | Quälltäxt bearbeite]

  • Bim Gallerist Collectie Wilma Terhaag uf Ofrog.
  • Cobra Museum fyr Moderni Kunscht, Amstelveen, vum 20. Septämber bis zuem 27. Oktober 2002
  • Im westfrisische Museum vum 23. April bis zuem 13. Juni 2004
  • Museum Jan van der Togt z Amstelveen vum 13. März bis zuem 4. April 2005
  • Vum 11. Juni bis zuem 5. Septämber 2005 im Nordbrabantische Museum z Herzogenbosch z Holland.

Ekschterni Syte[ändere | Quälltäxt bearbeite]