Ernst Eggimann

Us der alemannische Wikipedia, der freie Dialäkt-Enzyklopedy
Dialäkt: Bärndütsch

De Ernst Eggimann (* 23. Apriu 1936 z Bärn; † 16. Juni 2015 bi Arles) isch e Schwiizer Mundartdichter gsi. Är isch eine vo de Gründer vor Gruppe Oute gsi.

Läbe[ändere | Quälltäxt bearbeite]

De Ernst Eggimann isch em 23. Apriu 1936 uf d Wäut choo. Är het sech z Bärn zum Lehrer uusbiude la und het den a de Sek Langnou im Ämmitau ungerrichtet. Ane 1963 het er zwoo Erzälige uf Hochtütsch useggäh. Bekannt worde isch är 1967 mit em Band Psalmen, won är i modärne Wort sini Visione vo Gott umschribe het, es Wärch wo bsungers bi tütsche Theologe guet achoo isch. Im gliiche Jahr isch im de Literaturpriis vor Stadt Bärn verliehe worde. Sini erste Mundartvärs si 1968 im Band Henusode usechoo. Sis letschte Wärch het er 1981 publiziert. Vo 1986 bis 1997 isch der Ernst Eggimann für di Freyi Liste im Groossraat vom Kanton Bärn gsässe. Nach sinere Pensionierig het är zrüggzoge i sim Huus z Langnou gläbt u het später si Läbesabe im ne Dorf bi Arles z Südfrankriich verbracht. Nachdäm sech si Gsundheitszuestang verschlächtert gha het, isch är dört ane 2015 gstorbe.

Uuszeichnige[ändere | Quälltäxt bearbeite]

  • 1967 Literaturpriis vo de Stadt Bärn
  • 1968 Literaturpriis vom Kanton Bärn
  • 1971 Förderigspriis vo de Stiftig Pro Helvetia
  • 1973 Buechpriis vom Kanton Bärn
  • 1982 Buechpriis vo de Stadt Bärn

Wärch[ändere | Quälltäxt bearbeite]

Poesie[ändere | Quälltäxt bearbeite]

  • Psalmen, Limes, Wiesbaden 1967
  • Henusode, Arche, Zürich 1968
  • Heikermänt, Arche, Zürich 1971
  • Jesus-Texte, Arche, Zürich 1972
  • E satz zmitts i d wäut, Arche, Zürich 1981

Prosa[ändere | Quälltäxt bearbeite]

  • Die Kehrseite. Heraklit. Zwei Erzählungen, Tschudy (Der Bogen 72), St.Gallen 1963
  • Vor dem jüngsten Jahr. Erzählungen, Arche, Zürich 1969
  • Die Landschaft des Schülers, Arche, Zürich 1973
  • Meditation mit offenen Augen, Kaiser (Traktate 12), München 1974
  • Emmental (Bildband), Rentsch, Zürich 1983

Theaterstück[ändere | Quälltäxt bearbeite]

  • Arbeiter – Bibel – Kreis. Einakter, Basel 1971
  • Freiübungen. Einakter, Solothurn 1972
  • Arnold Schär. Einakter, Solothurn 1973
  • I dr Nacht sy si cho. Stück, Bern 1977
  • Die Couch. Einzelpersonenstück, Luzern 1979

Hörspiu u Radiosändige[ändere | Quälltäxt bearbeite]

  • Lüdere Chilbi 2000, DRS, Bern 1972
  • I dr Nacht sy si cho, DRS, Bern 1978
  • Mir hei nume ds Beschte wöue, DRS, Bern 1979

Weblinks[ändere | Quälltäxt bearbeite]

Naarüeff