Ensisheim (Meteorit)

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dialäkt: Elsassisch
Dr Dunnerstei vu Ansa, a Blätt vum Sebastian Brant ànna 1492

S Ghèia vu'ma Meteorit z Ansa ìsch eina vu da ältschta beziigta Meteoriteghèia ìn Europa wo noch Meteoritemàteriàl vorhànda ìsch.

Àm Mittàg vum 7. Novamber 1492 ìsch a Steimeteorit vu 127 kg mìt'ra großa Schnalligkeit ìn d Àtmospär vu dr Arda inagànga. Dr Meteorit hàt a Liachtspur hìnter si gschleift, ar ìsch mìt'ma lütta Dunnerkràch ìm Hìmmel dura un ìsch schliaßlig ìn dr Neecha vum elsaassischa Därfla Ansa ìn a Àcker ghèit.

Vìel Lit han àn dam Ereignis züeglüegt ; bi dana ìsch dr Albrecht Dürer gsìì, wo dernoh sina Idruck ìn'ra fàrwiga Zeichnung feschtghàlta hàt. Dàs Meteoritghèia ìsch wìrklig a groß Ereignis gsìì, s hàt ufgfàlla. Dr Sebastian Brant hàt a Flugblätt veräffentligt, wo-n-er ìwer da Meteorit redt.

Dr ditscha Keenig Maximilian I. ìsch àhna ku reisa, fer Grìcht ìwer dr Dunnerstei z'hàlta. Ar hàt tèifliga Machta ìn dam àllem gsah, noh hàt er dr Meteorit ìn Ketta loh bìnda un àhanka ìn dr Pfàrrkìrch.

Ìn dr làuifenda Zit sìn ìmmer mehr Stìcker vum Meteorit dràb gschlàga worra, wo ma jetzt ìn Müsee un Sàmmlunga kàt fìnda. S Stìck vu 55,75 kg wo ìwrig blibt kàt ma ìm Müsee Palais de Regence z Ansa ge bsìchtiga.

As ìsch a Steimeteorit vum Typ LL6 üs dr Grupp vu da gweenliga Chondrite.

Externa Links[ändere | Quälltäxt bearbeite]

 Allmänd (Commons): Ensisheim meteorite – Sammlig vo witere Multimediadateie
Dä Artikel basiert uff ere fräie Übersetzig vu dere Version vum Artikel „Ensisheim_(Meteorit)“ vu de dütsche Wikipedia.

E Liste vu de Autore un Versione isch do z finde.