Emission (Physik)

Us der alemannische Wikipedia, der freie Dialäkt-Enzyklopedy
Dä Artikel erlüteret Emissione in dr Physik; anderi Bedütige under Emission.


Dialäkt: Markgräflerisch (Ebringe)

Als Emission (vu lat. emittere = ussende) bezeichnet mer in dr Physik zuemeist d'Ussendig vu sichtbarem Liecht un andere elektromagnetische Welle als Lüchte oder thermischi Emission (Wellestrahlig), oft au allgmeiner d'Ussendig vu atomare oder subatomare Deilli (Korpuskularstrahlig), insbesundere in dr Kern- un Deilliphysik.
In dr Akustik schwätzt mer au vu Schallemission (bzw. Lärmemission), oder vu Gas- un Staubemission, vor allem in dr Astronomi, dr Umweltphysik un dr Biologi.

Emission vu elektromagnetische Welle[ändere | Quälltäxt bearbeite]

Festkörper un freii Deilli sende verschideni Arte vu elektromagnetische Welle us, wobi mer si nooch ihrem Spektrum (im sichtbare Beriich nooch ihrer Farb) un ihrer Entstehigsart klassifiziert.

Zuesätzlich underschidet mer zwische dr spontane Emission, wo ohni usseri Iflüss stattfindet, un dr induzierte Emission, wo dur igstrahlti elektromagnetischi Welle usglöst wird. Insbesundere Laserliecht wird dur induzierti Emission erzügt.

Nit als Emmision bezeichnet wird d'Wiiderabstrahlig vu ifallender Welle, d'Remission (Reflexion, Transmission)

Thermischi Emission[ändere | Quälltäxt bearbeite]

As thermischi Emission vu Strahlig bezeichnet mer s'Ussende vume kontinuierliche Spektrum vu elektromagnetische Welle ufgrund vu dr Wärmebewegig vu dr Atome. Ihri Spektralverdeilig hängt vu dr absolute Temperatur un ihre Absorptionseigeschafte ab. E ideal schwarzer Körper, sendet e Spektrum us, wo d'Intensitätsverdeilig dur s'Plancksche Gsetz beschribe wird, was in dr Physik grossi Bedütig bi vile Vorgänge het un dr Usgangspunkt vu dr Quantemechanik gsi isch.

Emissionslinie[ändere | Quälltäxt bearbeite]

Emissionslinie, also klar definierti einzelni Spektrallinie, werre vu Atome bim Ibergang vume Atoms oder Molekül vu eme höchere uf e nidrigers Energiniveau oder bim Ifang vume Elektron dur e Atom usgsendet. D'Emissionslinie sin debi charakteristisch fer e bestimmts chemischs Element. Insbesundere in dr Astronomi, wo zum Grossdeil uf dr Beobachtig vum Liecht vu unerriichbar witt entfernte Objekte fuesst, basiert e Grossdeil vum Wisse um unser Universum uf dr Analyse vu dr Spektrallinie. Exemplarisch defür sin d'Entdeckig vum Helium (vu grich. Helios fer Sunne) anhand unerwarteter Linie im Spektrum vu dr Sunne, wo mer erst denooch au uf dr Erde entdeckt het - un d'Entdeckig vu unerwartete Spektrallinie in Planetarische Näbel wo mer erst ime hypothetische Element Nebulium zugordnet het, no aber als sognennti verboteni Ibergäng vu scho bekannte chemische Elemente erchennt het.

Radiowelle[ändere | Quälltäxt bearbeite]

Emission vu Radiowelle trättet vor allem dert uf, wo elektrischi Wexelström fliesse (bspw. in Sendeantenne vu Funk- un Radiostatione), wil beschlünigti elektrisch gladeni Deilli vu elektromagnetische Welle ussende.

Synchrotronstrahlog[ändere | Quälltäxt bearbeite]

Emission vu Synchrotonstrahlig cha iberall dert beobachtet werre, wo bewegti elektrisch gladeni Deilli in magnetische Felder abglenkt werre. Ihri Wellelängi hängt debi vu dr Gschwindigkeit vu dr Deilli un dr Stärchi vum Magnetfeld ab.

Schallemission[ändere | Quälltäxt bearbeite]

Schallemission wird vu schwingende Körpern als Quelle erzügt un cha sich numme in Medie (gasförmig, flüssig, fest; lueg Aggregatzueständ) usbreite.

Emission von Deilli[ändere | Quälltäxt bearbeite]

Radioaktiver Zerfall[ändere | Quälltäxt bearbeite]

Bim radioaktive Zerfall cha mer näbe Gammaquante d'Emission vu Elektrone (Betastrahle), Heliumcherne (Alphastrahle), Positrone, Neutrone un Neutrinos beobachte.

Deillischauer[ändere | Quälltäxt bearbeite]

Bim Stoss vu sehr schnelle Deilli ufenander oder uf e ruehende Körper, werre sälli zertrümmeret un die Spaltprodukte un in Deilli umgwandelti Gammaquante, so gnennti Sekundärdeilli in Form vume Deillischauer emittiert. Insbesundere in Speicherringe, wie em DESY z'Hamburg un bim Stosse vu Kosmische Strahle uf d'Erdatmosphäri cha mer säll beobachte.

Gas- un Staubemission[ändere | Quälltäxt bearbeite]

Vu Gas- un Staubemission schwätzt mer iberall dert, wo Gase un feiner Staub usgsendet werre:

Dä Artikel basiert uff ere fräie Übersetzig vum Artikel „Emission_(Physik)“ vu de dütsche Wikipedia. E Liste vu de Autore un Versione isch do z finde.