Electronic Numerical Integrator and Computer

Us der alemannische Wikipedia, der freie Dialäkt-Enzyklopedy
Hops zue: Navigation, Suech
ENIAC uf eme Bild vo dr US-Armee

Dr Electronic Numerical Integrator and Computer (abkürzt ENIAC) isch dr erst rein elektronischi, digitali Universalrechner (Computer) gsi. Im Uftrag vo dr US-Armee isch er vo 1942 aa vom J. Presper Eckert und vom John W. Mauchly an dr University of Pennsylvania entwigglet und am 14. Februar 1946 dr Öffentlichkeit vorgstellt worde. Die amerikanischi Armee het mit em ballistischi Tabälle usgrächnet. Er isch am 2. Oktober 1955 abgstellt worde.

Ähnlig wie bim Atanasoff-Berry-Computer (1938–1942) und bim britische Colossus (1943), eme kryptographische Spezialrächner, het me bim ENIAC Röhre iigsetzt zum Zahle daarstelle und elektrischi Puls zum d Daate z üerdrääge. Das het e dütlig höcheri Rächeleistig zur Folg gha, as si dr Z3 (1941) het chönne erreiche, wo vom Konrad Zuse 1941 konzipiert worden isch. Dr Z3 het zwar e modärneri Architektur gha, isch aber no uf elektromechanische Relais basiert gsi. Wie dr ASCC (baut zwüsche 1939 und 1944 und spöter as „Mark I“ bekannt) het dr ENIAC s Dezimalsystem brucht, zum Zahle daarstelle.

Weblink[ändere | Quälltäxt bearbeite]

 Allmänd (Commons): ENIAC – Sammlig vo witere Multimediadateie
Dä Artikel basiert uff ere fräie Übersetzig vu dere Version vum Artikel „Electronic_Numerical_Integrator_and_Computer“ vu de dütsche Wikipedia.

E Liste vu de Autore un Versione isch do z finde.