Elbasan

Vorlage:Infobox Ort/Wartung/ISO

Elbasan
Elbasan
Basisdate
Staat	Albanien
Qark	Qark Elbasan
Kreis	Kreis Elbasan
Höchi	150 m
Iiwohner	126.081 (2008)
ISO 3166-2	AL-EL
Webuftritt	www.elbasani.gov.al
Politik
Bürgermeister	Qazim Sejdini (Partia Socialiste e Shqipërisë)

41.11305555555620.083888888889

Elbasan (Ussprooch: [ɛlbaˈsan]; bestimmti Form im Albanische: Elbasani) isch e Stadt in Mittelalbanie un mit öbe 126.000 Ywohner eini vo de gröschte Stedt vo Albanie. Es isch e relativ jungi Stadt, wo vo de Osmane wääred de Eroberig vo Albanie gründet worde isch. Z Elbasan befindet sich d ältischt Moschee vo Albanie, wo im Joor 1492 baut worde isch.

Gschicht

D Stadt goot uff e Militärlager wo d Osmane bi de Eroberig vo Albanie im 15. Joorhundert gründet hen. Im Joor 1467 het de Mehmet II. e Feschtig baue lo. Elbasan bedütet uff Türkisch „starchi Feschtig“. D Stadt isch deno e Zentrum vo de orientalische Kultur z Albanie worde. D Stadt isch e wichtigs Handelszentrum, un e kulturell viilfälltigi Stadt gsi. Näbe de Albaner hen au Grieche, Slawe, Aromune un natürli Türke in de Stadt gläbt. D Stadtmuure sin im Joor 1834 vum Reshit Pasha wider ygrisse worde.

In de Mitte vum 18. Joorhundert isch z Elbasan e eigni Schrift für s Albanische entwigglet worde, wo sich aber nit het chönne duresetze.

Unter em König Zogu het d Aasiidlig vo Induschtri, mit Tabak- un Alkoholherstellig, aagfange. Unter de Kommunischte isch Elbasan de zum Induschtrizentrum vo Albanie uffbaut worde.

Wirtschaft

s Stahlkombinat vo Elbasan

Z Elbasan spiilt vorallem d Induschtri e Roll. Im Joor 1974 isch vo de Chinese e Stahlwerch baut worde. Es het dertemool Celiku i Partise, also „de Stahl vo de Partei“ gheisse. Wyl de kommunistisch Diktator vo Albanie, de Enver Hoxha, aber bal s Bündnis mit de Chinese broche het, isch die Fabrik nie ganz fertig worde, un het aneme Mangel an Ersatzdeil glitte. Usserdäm isch s Shkumbim-Tal durch d Stahlproduktion verpeschtet worde. Bis zum Zämmebruch vum Kommunismus im Joor 1990 hen dört öbe 12.000 Lüt gschafft . S Stahlwerch isch de bis 1999 gschlosse gsi, wo e türkischi Firma de Betrieb wider uffgno het. Trotz dass Fortschritt bim Umwältschutz gmacht worde sin, isch d Luftverschmutzig z Elbasan e grosses Problem.

Usserdäm git es z Elbasan au e Zementfabrik, wo in de Region als vorbildlich bim Umwältschutz gilt.

Literatur

• Babinger, Franz: Die Gründung von Elbasan. In: Mitteilungen d. Seminars f. Oriental. Sprachen zu Berlin. 34(1931).

Weblink

 Allmänd (Commons): Fotis vo Elbasan – Sammlig vo witere Multimediadateie