Elasto Mania

Us der alemannische Wikipedia, der freie Dialäkt-Enzyklopedy
Elasto Mania
Entwickler: Balázs Rózsa
Verleger: Unabhängig
Publikation: January, 2000
Plattform(e): Windows
Genre: Töff-Simulation
Spielmodi: Einzelschbiiler, Mehrschbiiler
Stüürig: Tastatur

Elasto Mania isch en 2D-Gländmotorrad-Simulation, wo uf emä PC gschbiilt wird.

Im Gegensatz zu andere Motorrad-Simulatione staht hie s'erreichen vom Ziel, und nid d'Gschwindigkeit im Vordergrund. Für Profis isch jedoch d'Gschwindigkeit zum Vergliich mit andere Spieler ah erschter Stell.

D'Schwierigkeit beschtaht drin, de Töff dur es Level voller Hindernis z'schtüüre. Es gilt z'verhindere, dass de Chopf vom Töfffahrer s'Gländ berüährt. Bi z'schnellem Brämse (odr Gas gee) kippt s'Motorrad füre (bzw. hindere). Um s'Ziel, ä wiissi Blueme, z'aktiviere, mönd alli Öpfel iigsammled wärde. Dur d'Läärtaste lad sich d'Fahrtrichtig vom Töff wechsle. Viili Level sind nur dur die enormi Elastizität vom Töff z'schaffe. We'mer es Level erfolgriich absolviert hed, cha'mer de Lauf speichere, um'ne andere z'zeigen, odr i d'Internet-Highscore z'cho.

Die letscht offiziell entwickelti Version (1.11a) isch im Jahr 2003 erschiine, inoffiziell isch sie vo de Fans bis zur Version 1.2 wiiterentwicklet worde. Am 22. Januar 2007 isch zum erschte Mal en inoffizielle Online Patch veröffentlicht worde, wo en unbegrenzti Ahzahl vo Spieler gegenand ahtretet und sich debi gegesiitig gsehnd.


Weblinks[ändere | Quälltäxt bearbeite]