Iisesulfid

Us der alemannische Wikipedia, der freie Dialäkt-Enzyklopedy
(Witergleitet vun Eisensulfid)

Iisesulfide sin chemischi Verbindige vu dr Elemente Iise un Schwäfel. Dr Schwäfel lit in sälle Verbindige as Anion (Sulfid) vor.

Folgendi Iisesulfide sin bekannt:

  • Iise(II)-sulfid (FeS): In sällere Verbindig trättet Iise als Fe2+-Ion uf. Dr Schwäfel lit as S2- vor.
  • Pyrit (FeS2): Schwäfelricheri Verbindig, wo us Fe2+ un em Disulfid-Anion S22- bestoht.
  • Iise(III)-sulfid (Fe2S3): Do isch Iise in Form vu Fe3+ verträtte, Schwäfel as S2-.

As witteri Iise-Schwäfel-Verbindige, wo nit zue dr Iisesulfide zellt werre, sin d'Iise-Schwäfel-Cluster z'nenne.

Bi dr Stahl-Herstellig gelte Iisesulfide as Stahlschädling. Die nidrigschmelzend Verbindig lageret sich an dr Chorngrenze ab un verursacht bi Warmumformig dr sognennt Rotbruch

Dä Artikel basiert uff ere fräie Übersetzig vum Artikel „Eisensulfide“ vu de dütsche Wikipedia. E Liste vu de Autore un Versione isch do z finde.