Eidgenössische Technische Hochschule Zürich

Us der alemannische Wikipedia, der freie Dialäkt-Enzyklopedy

Eidgenössisch Technisch Hochschuel Züri oder churz ETHZ heisst e Hochschuel in Züri. Sie isch 1855 als Eidgenössisches Polytechnikum gründet worde. Me nennt d`Schuel au drumm hüt nur no s Poly. D`Schuel staht an zwee Ort in Züri: D`ETH Zentrum liit idr Mitti vur Stadt Züri, dr Standort Hönggerberg liit oberhalb vom Stadtquartier Höngg.

Inhaltsverzeichnis 1 Gschicht 2 Organisation und Schuelleitig 2.1 Departemänt 2.2 Schuelleitig

[ändere] Gschicht

Wo sich ds junge Land im 19. Jahrhundert zumne Staat entwicklet hett, hett me sich gfroget, ob me nebscht kantonale Universitäte, au e „eidgenössisch“ gründe sött, wo vum Staat betribe würd und nid vude Kantöön. Am 7. Februar 1854 hett dRegierig drzue es Gsetz verabschidet, wo „eidgenössische polytechnische Schule in Verbindung mit einer Schule für das höhere Studium der exakten, politischen und humanistischen Wissenschafte“ definiert. 1855 isch denn d`Hochschuel als „eidgenössisch polytechnischi Hochschuel“ in Betriib gnah worde. Will d`katolischi Kantöön es „Bildigsmonopol“ vu nem protestantischem Kantoon hend verhindere welle, hett sich d`Ahzahl vude Fächer ade Schuel no in tüefe Zahle bewoge. Um für di neu Bildigsstett es Gebüüde baue zchönne, hett dr Kantuu und d`Stadt Züri en Wettbewerb gstartet, wo d`Architekte drzue bewoge hett, Vorschläg für ds Ussehe vum Gebüüde zmache. Dr damalig Professor Semper hett dr Wettbewerb gunne, hett z’Gebüüde baue chönne und hett dazumal au als Stett für d`Universität Züri dient.

[ändere] Organisation und Schuelleitig

An der ETH entstöhn jedes Johr meh as 500 Dissertatione und über 1250 Diplom wärde vergä.

De ETH het im Johr 1855 mit 68 Studente agfange, sitdenn isch ihri Zahl die ganz Ziit grösser worde. Sit 1968 het d Zahl vo de Studentinne stark zuegno und hüte si fast 30% vo de Studierende Fraue. Zurziit existiere 23 Bachelorstudiegäng mit 6'320 Studierende, 30 Masterstudiegäng mit 3'903 Studierende (Master und Diplom) und es si 2'794 Doktorierendi iigschriibe.^[1].

[ändere] Departemänt

Departement	Chürzel (ETH-Link)	Studiegang	Studente	Doktorande	Profässor
Architektur und Bauwüssenschafte
Architektur	D-ARCH	Architektur	1225	94	29
Bau, Umwelt und Geomatik	D-BAUG	Bauingenieur Umweltingenieur Geomatik und Planig	441 208 115	103 32 47	28
Ingenieurwüsseschafte
Informatik	D-INFK	Informatik	849	168	26
Informationstechnologii und Elektrotechnik	D-ITET	Elektrotechnik und Informationstechnologii	917	306	23
Materialwüsseschaft	D-MATL	Materialwüsseschaft	181	115	10
Maschinebau und Verfahrenstechnik	D-MAVT	Maschineningenieure	1191	276	29
Biosystem	D-BSSE	Biomedizinischi Technik	0	39	0
Naturwüsseschafte und Mathematik
Biologie	D-BIOL	Biologii Bewegigswüsseschafte	681 541	334 8	36 1
Chemii und Agwandti Biowüsseschafte	D-CHAB	Chemii Chemiiingenieur Interdisziplinäri Pharmazii	224 57 81 347	261 54 13 82	36 9
Mathematik	D-MATH	Mathematik Rechnergstützti Wüssenschafte	448 39	79 20	27
Physik	D-PHYS	Physik	622	197	25
Systemorientierti Naturwüsseschafte
Agrar- und Läbensmittelwüsseschafte	D-AGRL	Agrarwüsseschafte Läbensmittelwüsseschafte	170 260	112 46	14
Erdwüsseschafte	D-ERDW	Erdwüsseschafte	274	103	14
Umweltnaturwüsseschafte	D-UWIS	Umweltnaturwüsseschafte Forstwüsseschafte	668 51	222 16	28
Management- und Sozialwüsseschafte
Management, Technologii und Ökonomie	D-MTEC	Management, Technologii und Ökonomii	132	74	12
Geistes-, Sozial- und Staatswüsseschafte (GESS) und übrigi	D-GESS	GESS Brufsoffizier Turn- und Sportlehrer	0 60 138	32 0 0	16
ETH Total	ETH Zürich		10223	2794	359

Tabelle: Stand 2006

[ändere] Schuelleitig

D Schuelleitig organisiert Leitig, Ufbau und s Organisatorischi vo der ETH Züri.

• Präsident: Ralph Eichler
• Rektore: Heidi Wunderli-Allenspach
• Vizepräsident für Forschig: Peter Chen
• Vizepräsident für Planig und Logistik: Gerhard Schmitt