Eichberg SG
| S SG im Lemma isch s offizielle Chürzel vom Kanton St. Gallen und wird verwendet, um Verwechslige mit gliichluutende Iiträäg vom Name Eichberg z vermiide. |
| Aichbärg | |
|---|---|
 |
|
| Basisdate | |
| Staat: | Schwiiz |
| Kanton: | St. Galle (SG) |
| Wahlkreis: | Wahlkreis Rheintal |
| BFS-Nr.: | 3252 |
| Poschtleitzahl: | 9453 |
| Koordinate: | 757643 / 24588947.3459.525500Koordinate: 47° 20′ 42″ N, 9° 31′ 30″ O; CH1903: 757643 / 245889 |
| Höchi: | 500 m ü. M. |
| Flächi: | 5.43 km² |
| Iiwohner: | 1481 (31. Dezämber 2011)[1] |
| Website: | www.eichberg.ch |
 Kirche von Eichberg |
|
| Karte | |
 |
|
Aichbärg isch a politischi Gmoand im Kantoa San Galla. Sie befindat sich im Wahlkreis Rhintl.
Aichbärg lit südlich vo Altstetta und nördlich vom Oberriet im Rhintl. Äs git a Verbeandigsstrooss öber da Hölzler (Hölzlisberg) uf Eggerschtande, wo zum Kanton Appezäll Innerrooda ghöört.
Äs git z'Aichbärg viel land- und forschtwirtschaftlech gnuzts Gebiet und nu wenig Induschtrie. Am Südhang vom Hochchapf, än chlinna Hügl hender da reformiarta Pfarrchercha, häts än grossa Räbbärg. Da ischt sit 1983 da gröscht zämmahängend Räbbärg, wo i Terrassaform aagleit ischt, im Kanton San Galla.
Bevölkerig[ändere]
| Bevölkerigsentwicklig | |
|---|---|
| Johr | Iwohner |
| 1850 | 847 |
| 1900 | 873 |
| 1950 | 766 |
| 1980 | 719 |
| 2000 | 1266 |
| 2010 | 1379 |
Sit da Mitti vom 16. Johrhundert ischt Bevölkerig vo Aichbärg mehrheitlich Reformiart. Zur evangelisch-reformiart Cherchgmoand Aichbärg-Oberriet ghört, wias da Namma seit, näbet Aichbärg o s'Gebiet vom Oberriet (ohni Kriassara) und da Wailer Hueb, wo politisch zu Altstetta ghört. D'Pfarrchercha und s'Pfarrhuus stond im Dorf Aichbärg oba, im Dorf Oachiwees (Gmoand Oberriet) händs sit 1987 s'ehemolig Kino als Cherchgmoandhus.[2] Dä katholisch Teil vo da Befölkerig ghört zur Pfarrei Altstetta-Henderforscht-Aichbärg.
D'Schüeler chönd im Aichbärg oder im Henderforscht in Chendergarta und i d'Primarschual. I d'Oberschtufa gönts uf Altstetta.[3]
Ainzelnoochwys[ändere]
- ↑ www.pxweb.bfs.admin.ch
- ↑ Wäbsite vor evangelisch-reformiarta Cherchgmoand Aichberg-Oberriet Abgruafe am 18. Novämber 2011
- ↑ Wäbsite vor Gmoand Aichberg/Schuele Abgruafe am 18. Novämber 2011
Weblink[ändere]
Allmänd (Commons): Aichbärg SG – Sammlig vo witere Multimediadateie
