Echidna (Mythologie)

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Echidna isch ä Gschtalt uss de griechische Mythologie, wu d Muetter vun vile Ungheuer gsii isch.

Yber ihri Abstommung gibts vili Erzählunge. Eimol isch si d Tochter vun nem Alte usm Meer, em Phorkys un em Meeresungheuer, de Keto gsii. Ä ondersmol abr d Tochter vun de Kallirhoe un em Chrysaor. De Chrysaor sei m Lib vun de Medusa entschprunge, wu de Perseus d Medusa enthouptet het. Nomol ondersch sei s d Tochter vun de Gaia un nm Tartaros gsii.

Als "ä unsagbars Scheusal, halb schönäugigs Mädle, halb grusigi Schlong, risig, buntgfleckt un gfräßig" (Hesiod, Theogonie 295-332), isch s onschinend nit nur ä furchtbars, sundern au ä fruchtbars Ungheuer. Typhon – wu d Gaia vum Tartaros empfange ghet het, um sich om Zeus z räche, so dass do, falls sichs ums selbe Ungheuer ghendelt het, womöglich ä Gschwischterehe gschlosse worre isch – het mit ihre de zweyköpfig Orthos, de dreyköpfig Höllehund Kerberos, un d Hydra, wu au als d "lernäisch Schlong" bezeichnet wird, zigt.

Ihr Sohn Orthos het denn mit ihre d Chimaira, d Sphinx, de Nemeische Löwe un d Phaia, ä ungheure, wietigi Sau, wu schliesslich vum Theseus umbrocht worre isch un au als d kromyonisch Sau bekonnt worre isch.

Literatur[ändere | Quälltäxt bearbeite]

Lueg au: Stammbaum vo de griechische Götter

Ekschterni Syte[ändere | Quälltäxt bearbeite]