Dufourspitze
| Dufourspitze | ||
|---|---|---|
 Monte Rosa mit em Gorner- und em Grenzgletscher, Nordend und Dufourspitze |
||
| Höchi | 4'634 m ü. M. | |
| Lag | Wallis, Schwiiz | |
| Gebirg | Monte-Rosa-Massiv, Walliser Alpe | |
| Geografischi Lag | (633220 / 87321)45.9366666666677.86694444444444634Koordinate: 45° 56′ 12″ N, 7° 52′ 1″ O; CH1903: (633220 / 87321) | |
|
||
| Erschtbstiigig | 1855 vom Charles Hudson, J. Smyth, C. Smyth, u.a. | |
D Dufourschpitze isch de höchschti Gipfel vo de Schwiiz mit ere Höchi vo 4634 Meter ü.M.
Inhaltsverzeichnis |
[ändere] Lag
De Gipfel ghört zum Monte-Rosa-Massiv, wo zu de Walliser Alpe ghört. Er isch an de Gränze zwüsche de Schwiiz und Italie gläge, aber anderscht wi meischt üeblich, isch d Gränze nöd uf em Gipfel, sondern öppe 160 Meter öschtlich dervo.
[ändere] Name
De Gipfel het früehner Gornerhorn gheisse. De Name het er vo de Walser übercho. Sit em 1863 heisst er uf Bschluss vom domolige Bundesrot nach em erschte Schwiizer General, em Guillaume-Henri Dufour. De Dufour isch de Herusgäber vo de erschte exakte Schwiizer Charte gsi (lueg au: Dufourkarte).
[ändere] Erschtbestiigig
S erschti Mol isch d Dufourschpitze am 1. August 1855 vo ere änglische Seilschaft bestige worde. De Johannes und de Matthäus Zumtaugwald, beidi vo Zermatt, und de Ulrich Lauener vo Luterbrunne, hei als Bärgführer de Ängländer unter de Leitig vom Charles Hudson de Weg zeiget. Zu de änglische Seilschaft het neberm Hudson au de John Birkbeck, de Edward J.W. Stephenson, de Christopher Smyth und sin Brüeder, de James G. Smyth ghört.
[ändere] Weblink
Allmänd (Commons): Dufourspitze — Witeri Mulitimediadateie zum Artikel
