Dornschwanz-Agamen

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dornschwanzagame
Südsaharischer Dornschwanz (Uromastyx dispar)
Systematik
Stamm: Chordadierer (Chordata)
Understamm: Wirbeldierer (Vertebrata)
Reihe: Landwirbeldierer (Tetrapoda)
Chlasse: Reptilie (Reptilia)
Ornig: Schuppekriechdierer (Squamata)
Underornig: Exe (Lacertilia)
Familie: Agame (Agamidae)
Unterfamilie: Leiolepinae
Gattig: Dornschwanz-Agame
Wisseschaftlicher Namme
Uromastyx
Merrem 1820
Dialäkt: Schwäbisch

D' Dornschwanz-Agama (Uromastyx) send Echsa, wo a Gattung von dr Unterfamilie Leiolepinae ennerhalb dera Familie von de Agamen, Agamidae, bilda deand. Dia gstompade Agama send ausg'schprochane Wiaschtab'wohner. Vrtreatr von deanra Gattung send en de Trockagürtel von Afrika ond Asien zom fenda.

Dia Dornschwanz-Agama send em Vrgleich zua andre Agama zimle groaß ond gschtompat mit am von oba zamgdätschta Körpr. D' Fiaß send kurz ond kräfte. Dr Koopf mit am senkrechta Ohraspalt isch gloi ond duad an d' Köpf von de Landschildkröta erinnra. Dr kurze, dicke Schwanz isch dicht mit kräftige Stachelschuppa bsetzt. Wann d' Sonn bloß a wengale scheina duad, nocht isch dr Dornschwanz dongl, am Mittaag, wann d'Sonn grad ra scheint, duad 'r se vrfärba und weard leichtnd gelb, orasch ond grea. Dr Ägyptische Dornschwanz isch mit bis zu 75 cm ond am Gwiiecht von 1,5 kg mit Abschtand dr greaschte Vrtretr von deara Gattung. Älle andre Arta send zwischa 25 ond 50 cm groaß.

's git an Gschlechtsdimorphismus. D' erwachsne Männla send greaßr ond hand an greaßra Koopf mit am schpitzara Maul. En dr Färbung git's au Ontrschied zwischa de Gschlechtr: D' Männla send bontr ond meanr gefärbt alz wia d Weibla. De Praeanofemoralpora von de paarungsbereite Männla send vrgreaßrt.


Dä Artikel basiert uff ere fräie Übersetzig vum Artikel „Dornschwanz-Agamen“ vu de dütsche Wikipedia.

E Liste vu de Autore un Versione isch do z finde.