Doppler-Effekt

Us der alemannische Wikipedia, der freie Dialäkt-Enzyklopedy
Änderig vo dr Wällelengi dur e Doppler-Effekt
Änderig vo dr Wällelengi wenn sich d Kwelle vom Schall bewegt
En Auti wo verbiifaart und hupt drbii

Dr Doppler-Effekt (sälte dr Doppler-Fizeau-Effekt) isch wenn sich e Signal zitlig stuucht oder deent wääred dr Abstand zwüschen em Sänder und em Empfänger sich veränderet. D Ursach drfür isch dass sich d Laufzit änderet. Dä räin kinematischi Effekt drättet bi alle Signal uf, wo sich mit ere bestimmte Gschwindigkäit usbräite, bi elektromagnetische Wälle wie s Liecht isch s d Liechtgschwindikäit und bi Döön d Schallgschwindikäit.[1] Wenn sich s Signal im ene Medium usbräitet wie zum Bischbil dr Schall in dr Luft, so muess mä dr Bewegigszuestand vo däm Medium berücksichtige.

Bi periodische Signal wird d Frekwänz wo beobachdet wird, hööcher oder niidriger. Wenn zum Bischbil en Ambulanz verbiifaart bedrifft das nid nume d Doonhööchi („iiiiuuuu“) sondern au d Wäggselfrekwänz vo dr Sirene. Wenn d Gschwindigkäit im Verheltnis zur Usbräitigsgschwindigkäit chlii isch, git daas Verheltnis au die relativi Frekwänzänderig aa. Bim ene reflektierte Signal, wie bim Radar-Doppler und Ultraschall-Doppler, verdobblet sich mit dr Laufzit au d Doppler-Verschiebig .

Weblingg[ändere | Quälltäxt bearbeite]

 Commons: Doppler-Effekt – Sammlig vo Multimediadateie

Wikisource Christian Dopplers Grundlegende Arbeit zum Doppler-Effekt im dütschsprochige Wikisource

Fuessnoote[ändere | Quälltäxt bearbeite]

  1. Arnold Sommerfeld: Vorlesungen über Theoretische Physik: Optik, Akad. Verlag, Leipzig, 1949, S. 54.