Disney Dollar

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Dr Disney-Dollar (engl. Disney dollar) isch e Komplementärwährig. Si gseht ähnlich us wie de US-Dollar und isch am 5. Mai 1987 s erscht Mol in Umlauf brocht worde. Si hät en zitlich unbegränzte Wert und cha jederzit wider in US-Dollar umtuscht wärde. Sie chan aber wie normals Geld a de vorgsehne Orte verwändet werde. Das garantiert d Walt Disney Company. Dr Disney-Dollar isch somit es zitlich unbegrenzts Wertpapier. Da er nöd verjöhre cha und jederzeit wider id d offizielle Währig umtuscht werde cha, isch er käi Guätschii.

Usgseh[ändere | Quälltäxt bearbeite]

Astell vomene amerikanische Präsident träget die Note bekannti Disney-Figure, wie dr Micky Maus, dr Donald Duck, dr Goofy, dr Stitch vo Lilo & Stitch, Dumbo und anderi. Die Dollar werdet von dr Walt Disney Company verchauft. Iglöst könned sie uf de Schiff vo dr Disney Cruise Line, allne Disney-Shops innerhalb dr USA und im Disneyland und em Walt Disney World Resort. Si träget immer d Unterschrift vom fiktive Schatzmäischter Scrooge McDuck, das isch dr englischi Name für de Dagobert Duck.

Notezeiche[ändere | Quälltäxt bearbeite]

Disney-Dollar händ als Zeichä "A" oder "D". Damit wird agschribe, wo si hergeschtellt worde si. "A" stoht für Anaheim, Disneyland in Los Angeles und "D" fürs Walt Disney World Resort i Florida.

Gschicht[ändere | Quälltäxt bearbeite]

Die Note sind i dr Johr 1987 bis 1989 serscht Mol als Ei-Dollar- und als Füf-Dollar-Note use cho. 1990 ischs Portfolio mit ere Zäh-Dollar-Note ergänzt worde. Noii Dollar mit noie Figure werdet jedes Johr produziert sit 1987, usserd nöd i de Johr 1992, 2004 und 2006. Im 2005i isch serscht Mol e 50-Dollar-Notä produziert worde um as 50-Johr-Jubiläum vom Disneyland in Anaheim, Los Angeles zu gedänke. [1]

Sicherheitsaschpäkt[ändere | Quälltäxt bearbeite]

Disney-Dollar händ ähnlichi Sicherheitsaspäkt wie normali Note. Sie sind sogenannt micro-printed und händ e Tinte wo reflektiert um si so vor em Skänne oder vor em Fotokopiäre z schütze. Si träget au en eimolige Serienummer. [2]

Beschribig vo de einzelne Note[ändere | Quälltäxt bearbeite]

1-Dollar-Note[ändere | Quälltäxt bearbeite]

  • 1987-1991 : dr Micky Maus wo winkt.
  • 1993  : dr Micky Maus träit e Flüüge. (65-jährigs Jubiläum vo de Figur Micky Maus)
  • 1994-1996 : wider dr Micky Maus wo winkt.
  • 1997  : dr Micky Maus als Zauberlehrling vom Film Fantasia. (25-jähriges Jubiläum vom Walt Disney World Resort
  • 1998-1999 : wider dr 'Micky Maus wo winnkt.
  • 2000  : dr Micky Maus bim fiire.
  • 2001  : anderi Darstellig vom Micky Maus als Zauberlehrling vo Fantasia.
  • 2002  : dr Micky Maus vom Film Steamboat Willie.
  • 2003  : nois Porträt vom Micky Maus mit göffnete Arme.
  • 2005  : verschideni Porträit: Dumbo, Ascheputtel und Chicken Little. (50-jährigs Jubiläum vom Disneyland in Anaheim, Los Angeles)
  • 2007  : Arielle, d Meerjungfrou und Schädel vom Film Fluech vo dr Karibik.

5-Dollar-Note[ändere | Quälltäxt bearbeite]

  • 1987-1996 : dr Goofy stolz und mit gschlossene Auge.
  • 1997  : dr Goofy mit emene Zylinder. (25-jährigs Jubiläum vom Walt Disney World)
  • 1998-1999 : wider dr Goofy stolz und mit gschlossene Auge.
  • 2000  : dr Goofy bim fiire.
  • 2001  : dr Micky Mouse als Bergstiiger.
  • 2002  : s Schneewittli.
  • 2003  : nois Porträt vom Goofy wo winkt.
  • 2005  : verschideni Porträit: Donald Duck und Goofy. (50-jährigs Jubiläum vom Disneyland in Anaheim, Los Angeles)
  • 2007  : s Dornrösli.

10-Dollar-Note[ändere | Quälltäxt bearbeite]

  • 1990-1996 : s Porträt vo de Minnie Maus.
  • 1997  : dr Simba vom Film Der König der Löwen. (25-jähriges Jubiläum vom Walt Disney World)
  • 1998-1999 : wider s Porträt vo dä Minnie Maus.
  • 2000  : dr Donald Duck bim fiire.
  • 2001  : dr Micky und d Minnie mit Sonnebrille.
  • 2002  : dr Tinkerbell us em Film Peter Pan.
  • 2003  : dr Donald Duck ziet sin Matrosehuet zum grüesse.
  • 2005  : verschideni Porträit: dr Stitch und d Minnie Maus. (50-jährigs Jubiläum vom Disneyland in Anaheim, Los Angeles)
  • 2007  : s Aschenputtel

50-Dollar-Note[ändere | Quälltäxt bearbeite]

  • 2005  : verschideni Porträt vorhande: dr Micky Maus vor emene Spiegel und au sin Chopf vo vorne. (50-jährigs Jubiläum vom Disneyland in Anaheim, Los Angeles)

Parodii[ändere | Quälltäxt bearbeite]

Disney-Dollar sind in ere Simpsons-Folg parodiert worde. I dr am 2. Oktober 1994 usgestrahlte Episode hät dr Homer 1100 Dollar i Itchy & Scratchy Money gwächselt, nachdäm ihm an Angestellte verzählt hät, dass die glichwertig sind, wie normals Geld aber eifach meh Spass machet. Im Park hät denn aber doch keine das Itchy & Scratchy Money angnoh. [3]

Weblink[ändere | Quälltäxt bearbeite]

Quelle[ändere | Quälltäxt bearbeite]

  1. Gschicht vom Disney-Dollars
  2. Sicherheitsaschpäkt vo dä Disney Dollars
  3. Faktä zur Disney-Parodie i dr Simpsons-Episodä