Diskussion:Stimmloser glottaler Plosiv

Hochdeutsch ohne Glottisverschluss?

Em Artikel wird d'Mainung vertrete, da mr s'Hochdeitsche ohne Glottisverschluss aussprechet. Des schtimmt abr no dailweis. Sicher kommt de Glottisverschluss seltener im Dialekt vor, aber er kommt ebe vor. Selbscht im Dialekt koht de Glottisverschluss heifig vor

Mr ka sich zom Beispiil d'Audiodatai em Artikel Honigbuck alose: Offebar wird de Glottisverschluss manchmol verwendet, wenn zwai Vokale e ufenanderfolgende Silbe ufdauched (Glottisverschluss mit Aposchtroph markiirt: "de 'alemanische Wikepedia", "vu 'Opfige", ..., "Jungfere 'iigschlosse") bei ainzelaussprach vo Buchsschtabe isches au ganz deitlich (ALS.wikipedia wird zo 'A 'El Es ..) ond au manchmal wird er aifach so em anlaut verwendet.

Sicher wer des Theoriefindung wennmr unsere Mainung direkt aus der Anschaue gwinnet, aber wemmr die bisherige Behauptung em Artikel beibehalte will, die de direkte Anschauung widerspricht, sott mr da au guete Quelle ageah wo des so vertrete wird oder ebe dii falsche Behauptonge entferne.

Also im Artikel stoot jo au gar nit, dass mer im Hochdütsche kei Glottisverschluss dät usspräche. Es stoot dass mer es "Z Süddütschland, Öschtriich un de Schwiiz" meischt ohni Glottisverschluss duet usspräche. Dass es im Dialäkt nit vorchunt isch zumindestens für s Züridütsch explizit belait (Fleischer, Jürg un Schmid, Stephan. (2006). Illustrations of the IPA: Zurich German). Für andri alemannischi Dialäkt channi grad kei Quelle präsentiere, aber es dürfti äänlig sy. In dere Uffnaam vo Honigbuck ghör ich kei Glottisschlag, un ich ha jetz grad no e Spektrogramm vo "vo Opfige" im Praat aagluegt. Uffem Spektrogramm gseet's uss, als ob die Vokal am Stugg ussgsproche werde, un diräkt in s [pf] übergange. Glottisschlag derzwüsche gsänni keine, aber ich bin natürli au numme en Mensch un cha mich irre. Dass im Hochdütsche in de Schwiiz kei Glottisschlag vorchunt isch au belait, ich muess aber zerscht no Quelle ussesueche. Hoffetli findi no grad no e Quelle für Süddütschland.

Jetz aber no öbis zue allgemaini Ussage in Quelle, un de sproochliche Realität: natürli git's au vili Süddütsche un Schwiizer, wo en Glottisverschluss usspräche. Des het no aber mee demit z tue dass sich sonigi aa de Sproochnorm vo Norddütschland orientiere bzw dass die Ussprooch en grosse Yyfluss ussiebt. Des macht d Ussag dass mer in de Schwiiz un Süddütschland meischt kei Glottisverschluss usspricht aber nit weniger wahr, wie dass d Ussag dass mer im Schwiizer Hochdütsch "Rahm" un nit "Sahne" sait nit wahr isch, wyl's Schwiizer git wo meine dass "Rahm" Dialäkt un nit Hochdütsch isch. --Terfili 15:33, 4. Mai 2011 (MESZ)

Extärni Link gänderet

Sali Mitautore,

Ich haa 1 extärni Link uf Stimmloser glottaler Plosiv gänderet. Nämen ich bittschen e Momänt un luege no mym Edit. Wänn Ihr Froge hän, oder wänn dr Bot d Link oder di ganz Syte soll ignoriere, gehen bitte uf die FaQ-Syte fir mee Infiormatione. Ich haa die Änderige gmacht:

• s Archiv https://web.archive.org/web/20140307093829/http://www.lotpublications.nl/publish/articles/004280/bookpart.pdf in http://www.lotpublications.nl/publish/articles/004280/bookpart.pdf yygfiegt

Wänn Ihr fertig sin mit em dureluege vu myne Änderige, chennen er no dr Aawysige in dr Vorlag unte no Fähler flicke.

Cheers.—InternetArchiveBot (Fehler melden) 13:01, 6. Sep. 2017 (MESZ)