Diskussion:Pantheon

Seiteninhalte werden in anderen Sprachen nicht unterstützt.
Us der alemannische Wikipedia, der freie Dialäkt-Enzyklopedy

S Pantheon z Basel und das z London sind weder Sakralbaute no ghörets i d Kategorie:Griechischi Religion in dr Antike. Das z Paris isch uursprünglich en Sakralbau gsii, hüt ehner nüme. Da z Rom isch früener wie au hüt no en Sakralbau - öbs emol zu de griechische Religion ghört hät, waiss i nööd. Drumm dänki, as me di säbe Artikel dementsprächend kategorisiere mos. Dä Artikel aber beschriibd, mindischtens i de Iilaitig, di uursprünglich Funkzion vo me Pantheon. Und drom wöri säge, as die beede Kategorie durchuus passend sind. Gruess --Schofför (Diskussion) 19:38, 3. Feb. 2015 (MEZ)[Antwort gee]

De Artikel isch ganz allgimain ghalte und bischribt Pantheon as Gebäude(name) und da hett mit de griechische Religio gär nünt ztue (gnau so wie d Modemarke Hermes nünt mit griechische Mythologii z tue het oder di tütsch w:de:Walhalla nünt mit germanische Religion). Do sött mer scho düttli underschaide und jeglichi Anachronisme vermiide. En Ainzelartikel öber e Sakralbau wo Pantheon haisst, söll ase kategorisiert were, en Uuflistig vo merere Baute wo Pantheon haisset aber nöd. Oder willsch Du en Uflistig vo wichtige Baute vonere Stadt ebefalls mit Sakralbau kategoriesiere, nume well bistimmt e paar Cherche vorchömed? Zodem sött mer underschaide zwöschet Pantheon as Name vo Baute und em religionshistorische Bigriff Pantheon. Da sind zwoo ganz verschidnigi Sache, wo nöd zämeghööret.
Ums düttli zmache: Wa het den bitteschön en Automuseum mit emene Sakralbau oder mit de alte griechische Religio ztue? Anachronistischer goots bistimmt nümm. --al-Qamar (Diskussion) 10:38, 4. Feb. 2015 (MEZ)[Antwort gee]
Genau da hani obe i mine erste vier Sätz wele säge ;-) - bis dohäre total iiverstande. Jetzt hämmer aber 1. s Lemma, wo Pantheon haissd und 2. d Iilaitig, wo Pantheon beschriibt.
Me chönnt jo d Iilaitig chli um- und uusbaue bis es passt. Und wänns witerhin stört, so cha me d Verwys uf d Gebäude chörze (vorallem döt, wo mer en aigne Artikel händ, wör en Verwys lange). Mi störts aber nöd, wänn s im Artikel e Beschribig vo me oder en Verwys uf es anchronistischs Objekt git. Gruess --Schofför (Diskussion) 11:19, 4. Feb. 2015 (MEZ)[Antwort gee]