Diskussion:Neopaganismus

Seiteninhalte werden in anderen Sprachen nicht unterstützt.
Us der alemannische Wikipedia, der freie Dialäkt-Enzyklopedy

Was gnau hen d Indianer mit em Neopaganismus z tue, wie in de Yyleitig stoot? Viil vo däm, was dörte als "traditionelli Religion" lauft, isch zwar würkli zimli nooch aa de Wiidererfindig vo alte Praktike, aber mit denne Strömige, wo do unter de Begriff Neopaganismus falle, het des glaub wenig z tue. Bi de hütige Indianer spiilt glaub änder s Pan-Indianism e Roll, also dass zum Byspil Indianer in Ontario Elemänt vo de Longhouse Religion, em Shamanetum vo de Ojibwe, un was si sunscht no vo de Sioux oder ussem Südweschte kenneglehrt hen, zämmemischle. Obwohl die Religione natürli eigetli uss völlig verschidne Kulturchreis entstande sin. Mit Neopaganismus het des aber glaub nüüt z tue, des isch änder e Mischig vo verschidne traditionelle Strömige, wo d Assimilationspolitik überläbt hen. --Terfili 00:46, 3. Jan. 2012 (MEZ)[Antwort gee]

Wänn Indianer alti Praktike un Glaubesforme nei beläbe un wie du saisch in ere synkretistische Art zämmemischle (was scho d Remer gmacht hän), isch des sicher kai Neopaganismus, aber wänn wyssi Amerikaner oder Europäer sich dodermit bschäftige, no isch des e klassich Neihaidetum, lueg z. B. do. --Holder 06:18, 3. Jan. 2012 (MEZ)[Antwort gee]
Wie de Holder. Vili wiissi Amerikaner und au Europäer hend e romantisches-idealisierts Bild vom Indianer und machet drus e Kult, vermischet da mit westliche esoterischem Guet, wo denn ebe au neopaganischi Züüg anee cha. E Kritiker het dezue gschribe, as da wo vili Wiissi im Indianer gsiend mee öber di aigne spirituelle Bidürfnis uussait, as öber d di tatsächlichi Relegioo vo de Indianer, d.h. de Indianer werd zum Wunsch-Objekt, zom idealisierte "Naturvolch". E höbsch Biispil wie Quele umgmodlet wered zaigt d Reed vom Höptling Seattle, wo di ursprünglichi Reed zom Tail gegetailigi Uussage macht gegenöber de i ökospirituelle Chrais biliebte Fassig »Mer sind Tail vo de Erd«. --al-Qamar 09:59, 3. Jan. 2012 (MEZ)[Antwort gee]
Ok no sött mer des vilycht klarer formuliere. Öbe: "in de Staate spiilt d Vorstellig über di indianische Religione e grössri Roll" oder ähnlig. So wie jetz dönt's für mich halt, wie wenn d Indianer sälber irgetwie aktiv e Roll bi de Gstaltig vum Neuheidetum spiile. --Terfili 16:29, 3. Jan. 2012 (MEZ)[Antwort gee]