Diskussion:Alemannischer Separatismus

Seiteninhalte werden in anderen Sprachen nicht unterstützt.
Us der alemannische Wikipedia, der freie Dialäkt-Enzyklopedy

Archiv: Dezember 2004- November 2007

Bundschuebiwegig, Vorarlberg[Quälltäxt bearbeite]

Wikipedia:Babel
Baden
Baden
Der Benutzer isch für es unabhängigs Bade.

D Bundschuebiwegig ghört woll nöd do ine. Bi de beede Vorarlberger Vorstöös bini nöd ase sicher, öb da do ine ghört. Do sind doch vill mee geographischi und wertschaftlichi Aspekt wo de Uusschlaag geend/ggee hend. S git au italienischi Gmainde, wo gern zo de Schwiiz cho möchtid. Und wa isch mit dem Chläber do rechts äne? --al-Qamar 12:26, 14. Okt. 2010 (MESZ)[Antwort gee]

Der Chläber isch vo mir :-) Aber s isch jo nöd ganz Bade alemannisch. Ich glaub do muess me scho no e chlii unterscheide.-- Badener  12:40, 14. Okt. 2010 (MESZ)[Antwort gee]
Ich find die ganz Zämmestellig e weng schyych. Was soll des syy, e "alemannische" Separatismus? Sich dr Schwyz aaschließe welle, het doch mit eme alemannische Separatismus nyt z due. D Schwyz isch nit dr Staat vu dr Alemanne, isch si no nie gsi un het si au nie welle syy. D Abstimmig z Vorarlberg het au wenig z due gha mit eme alemannische Speratismus, dert isch s drum gange, ass Österreich-Ungarn noch em Erschte Wältchrieg ussenanderghejt isch un die dytschsprochige Regione Diskussion driber gfiert gha hän, eb si sich an s Dytsch Ryych oder im Fall vu Vorarlberg an d Schwyz aaschließe solle. Ghert do zem alemannische Separatismus au derzue, wänn sich d Stadt Fryybeg anne 1368 vu ihre Grofe loogchauft het un sich dr (alemannische!) Habsburger aagschlosse gha het? Die Zämmestellig isch no myyre Meinig e klassischi Theoriifindig, wel do verschideni historischi Entwicklige, wu nyt mitenander z due gha hän un us ganz andre Grind diskutiert wore sin, zue eim Thema zämmeglyymt wäre, wie wänn s do ne rote Fade gee hätt. --Holder 15:27, 14. Okt. 2010 (MESZ)[Antwort gee]
Wär s do nit besser, dää ganz Artikel ussenander z nee un e Artikel 'Alpenland-Bewegung', e Artikel 'Schwäbisch-Alemannische Demokratie' un e Artikel 'Abstimmung in Vorarlberg über den Anschluss an die Schweiz' drus z mache? --Holder 15:47, 14. Okt. 2010 (MESZ)[Antwort gee]
Wi wärs dann mit lösche? -- Badener  15:49, 14. Okt. 2010 (MESZ)[Antwort gee]
Des isch scho myy Idee ganz am Änd, aber zerscht emol dr Text uf neji Artikel verdeile. --Holder 15:58, 14. Okt. 2010 (MESZ)[Antwort gee]
Aso D Idee mit em "Alpeland" und de "Schwäbisch-Alemanischi Demokratii" hets scho ggee. Drum lieber useputze. --al-Qamar 16:26, 14. Okt. 2010 (MESZ)[Antwort gee]
Natyrtli het s die gee, aber was hän die mitenander z due gha? Wie gsait, ich deet do zwei Artikel drus mache. --Holder 16:28, 14. Okt. 2010 (MESZ)[Antwort gee]
I bi de Artikel döreggange. D Iilaitig hani noi gmacht und Vorarlberg usegnoo - i werds bim Artikel Vorarlberg iinetue. De Tegscht leent sich starch a di wüsseschaftliche Undersuechige vom Historiker Jürgen Klöckler (Uni Chostez) aa (lueg Literatur). Somit gits a dem Artikel nünt z bianstade (kai TF u.ä.), usser, as er wie anderi Artikel au, natürli erwittered were cha. --al-Qamar 11:19, 15. Okt. 2010 (MESZ)[Antwort gee]
Nännt dää Klöckler die Bsträbige wirkli "Alemannischer Separatismus" oder wu stammt dää Uusdruck suscht här? --Holder 13:51, 15. Okt. 2010 (MESZ)[Antwort gee]
De Klöckler redt vo "Neugliederungspläne" u.ä.. D Gegner vo dene Projekt redet und schriibet vo "Separatismus"; de Uusdruck "alemannscher Separatismus" isch dozmol (nochem Klöckler) vo de Schwiizer Press bruucht wore. Di Projekt hend gmainsam, ass si us äänliche Chraise chömed (SW-Tütschland, Intelektuelli, Katholike) und e gwüsse Antiborussianismus zaiget. Si sind e Bistandtail vo de Diskussione und Plään vo de Noigliderig vo SW-Tütschland nochem 2.WK; dodemit aso Alternativprojekt zum dozmol dischgerierte Projekt Bade-Württeberg, wo denn schlussendli realisiert woren isch. --al-Qamar 14:43, 15. Okt. 2010 (MESZ)[Antwort gee]