Dilma Rousseff

D Dilma Vana Rousseff (* 14. Dezember 1947 z Belo Horizonte, Minas Gerais) isch e brasilianischi Politikerin. Vom 1. Jänner 2011 bis 31. August 2016 isch si Staatsbresidäntin gsi. Si isch e Gründigsmitgliid vo dr brasilianische Arbeiterpartei Partido dos Trabalhadores gsi. 2010 isch si zur Staatsbresidäntin gwehlt worde. Am 26. Oktober 2014 isch si widergwehlt worde. Wel ere Verstöss bi de Füerig vo de Staatsfinanze vorgworfe worde si, isch si am 12. Mai 2016 vo ihrem Amt suspendiert worde. Am 31. August 2016 het de Senat mit de notwendige Zwei-Drittel-Mehheit endgültig für ihri Absetzig gstumme.

In de brasilianische Medie und sogar in offizielle Communique wird d Dilma Rousseff vilmol nume „Dilma“ gnennt. Vor- oder Spitznäme z bruuche für Persönlichkeite isch z Brasilie üblig, au iirem Amtsvorgänger Lula da Silva het mä hüfig nume „Lula“ gsait.