Despotat Morea
S Despotat Morea isch e byzantinischs Herrschaftsgebiet uf em Peloponnes gsi.
D Ridder vom Vierte Chrüzzuug häi im Joor 1204 Konstantinopel erooberet und s Byzantinische Riich, wo denn immer no beachtlig gsi isch, zerschlaage. Es häi sich e baar Äinzelstaate bildet wie s Despotat Epirus, s Kaiserriich Trapezunt, s Kaiserriich Nikaia, s Latiinische Köönigriich Thessaloniki und s Latiinische Kaiserriich, wo dr äigentlig Räst vom früenere Oströmische Riich gsi isch. D Latiiner häi weniger as 60 Joor lang z Konstantinopel gherrscht, bis es im Michael VIII. Palaiologos im Joor 1261 glungen isch, d Stadt zruggzeroobere. 1262 het dr Kaiser sini Beamte as Kephale in d Burg vo Mistra gschiggt, wo 1249 vo fränkische Ridder baut worden isch. Dört isch denn die äigentligi Nochfolgerstadt vom antike Sparta an de Abhäng vom Taygetos entstande, wääred s fränkische Fürstedum Achaia, wo jetz zämmebroche isch, vo Lakedaimon us beherrscht worden isch. Under de Kantakuzene und spööter de Palaiologe isch s Amt vom "Despot" über d Morea (Peloponnes) e byzantinischi Sekundogenitur gsi. Venedig het au bedütendi Bsitz uf dr Halbinsle ghaa, wie öbbe die starke Festige vo Methoni und Koroni am westlige Finger vom Peloponnes. 1449 isch dr Despot Konstantin z Mistra as Konstantin XI. zum letzte byzantinische Kaiser erhoobe worde. Nochdöm 1453 Konstantinopel vo de Türke erooberet worde isch, isch 1460 au Morea an dr türkisch Sultan Mehmed II. Fatih (dr Erooberer) gfalle.
Bezäichnig[ändere | Quälltäxt bearbeite]
Dr Begriff Despotat wird vom griechische Wort despotes (δεσπότης) für ‚Heer‘ abgläitet und het in Bezuug uf die byzantinische Despotat überhaupt käi wärtendi Funkzioon. Es handlet sich bi de byzantinische Despotat also nit um Gwaltheerschafte im Sinn vo Despotie, sondern äifach um Browinze oder Fürstedümer innerhalb vom Riich. Dämentsprächend isch Despot in däm Zämmehang dr Ditel vom Browinzguvernöör.
Byzantinischi Despote vo Morea[ändere | Quälltäxt bearbeite]
- Michael Kantakouzenos (1308–1316)
- Andronikos Asen (1316–1322)
- Manuel Kantakuzenos (1348–1380)
- Matthaios Asanes Kantakuzenos (1380–1383)
- Demetrios I. Asanes Kantakuzenos (1383)
- Theodoros I. Palaiologos (1383–1407)
- Theodoros II. Palaiologos (1407–1443)
- Konstantinos Palaiologos (1428–1448)
- Demetrios II. Palaiologos (1449–1460)
Litratuur[ändere | Quälltäxt bearbeite]
- Wolfgang von Löhneysen: Mistra. Griechenlands Schicksal im Mittelalter. Morea unter Franken, Byzantinern und Osmanen. Prestel, München 1977, ISBN 3-7913-0405-4.
- Steven Runciman: Mistra. Byzantine capital of the Peloponnese. Thames and Hudson, London 1980, ISBN 0-500-25071-5.
|
Dä Artikel basiert uff ere fräie Übersetzig vum Artikel „Despotat_Morea“ vu de dütsche Wikipedia. E Liste vu de Autore un Versione isch do z finde. |