Darmstädter Madonna

Us der alemannische Wikipedia, der freie Dialäkt-Enzyklopedy
Hops zue: Navigation, Suech
 
Darmstädter Madonna
(au: D Madonna vom Bürgermäister Meyer)
Hans Holbäi dr Jünger, 1526/1528
Ööl uf Noodleholz (?), 146,5 cm × 102 cm
Sammlig Würth, Johanniterhalle (Schwäbisch Hall)
Dialäkt: Baseldütsch

D Darmstädter Madonna (au D Madonna vom Bürgermäister Meyer) isch e Gmäld vom Hans Holbäi em Jüngere (1497–1543). S Bild isch 1526 z Basel entstande. Es zäigt dr Basler Bürgermäister Jakob Meyer zem Haas, wo s Bild in Ufdraag gee het, zämme mit sinere erste Frau, wo denn scho dood gsi isch, mit sinere domoolige Frau und mit sinere Dochder, wo alli um d Maria mit em Jesuschind grubbiert si, wo in dr Middi uf eme Droon sitzt. D Bedütig vo de andere männlige Persone uf dr lingge Site isch nonog ändgültig kläärt, wie au die ganzi Ikonografii vom Bild. S Bild gältet as Glaubensbekenntnis vom katholische, antireformatorisch iigstellte Bürgermäister.

S Gmäld veräinigt Iiflüss vo dr italiänische religiööse Rönessangsmoolerei mit Elimänt vo dr altniiderländische Bortretmoolerei. Es isch emol im Schlossmuseum Darmstadt usgstellt gsi, und vo do läitet sich si populääre Titel ab. Vo 2004 aa isch s as befristeti Leihgoob im Städelsche Kunstinstitut z Frankfurt am Main gsi. 2011 het die Hessischi Huusstifdig s Wärk an dr Undernäämer und Kunstsammler Reinhold Würth verchauft. Sit em Januar 2012 hängt s Gmäld in dr Johanniterhalle z Schwäbisch Hall.[1]

S Gmäld isch as Kulturguet im baade-württebärgische Verzäichnis vo nazional wärtvolle Kultuurgüeter registriert und darf doorum nit us Dütschland usgfüert wärde.[2]

Litratuur[ändere | Quälltäxt bearbeite]

  • Gabriele Kopp-Schmidt : Die Madonna des Bürgermeisters Jacob Meyer zum Hasen von Hans Holbein d. J. Swiridoff-Verlag, 2012
  • Hans Holbeins Madonna im Städel. Der Bürgermeister, sein Maler und seine Familie. Ausstellungskatalog, Petersberg 2004, ISBN 3-937251-24-3. – Dieser Ausstellungskatalog enthält neben Originalbeiträgen auch fünf bereits zuvor in Zeitschriften erschienene Beiträge. Zahlreiche großformatige Abbildungen.
  • Oskar Bätschmann, Pascal Griener: Hans Holbein d. J. Die Darmstädter Madonna. Original gegen Fälschung. Fischer, Frankfurt am Main 1998. – Kurze Einführung in Geschichte und Deutung des Gemäldes.
  • Christl Auge: Zur Deutung der Darmstädter Madonna. Lang, Frankfurt am Main 1993. – Dissertation, ausführliche Analyse des Gemäldes.
  • Günther Grundmann: Die Darmstädter Madonna. Eduard Roether, Darmstadt 1959. 2. erweiterte Auflage: Die Darmstädter Madonna. Der Schicksalsweg des berühmten Gemäldes von Hans Holbein d.J.. Eduard Roether, Darmstadt 1972
  • Theodor Gaedertz: Hans Holbein der Jüngere und seine Madonna des Bürgermeisters Meyer. Mit den Abbildungen der Darmstädter und der Dresdener Madonna. Bolhoevener, Lübeck 1872.
  • Gustav Theodor Fechner: Ueber die Aechtheitsfrage der Holbein’schen Madonna: Discussion und Acten. Breitkopf & Härtel, Leipzig 1871. – Zeitgenössische Dokumentation des Dresdner Holbeinstreits Digitalisat
  • Georg Haupt: Der Darmstadter Museumsstreit. Eine Verteidigungsschrift. Jena, Diederichs 1904.

Weblingg[ändere | Quälltäxt bearbeite]

 Allmänd (Commons): Darmstädter Madonna – Album mit witere Multimediadateie

Fuessnoote[ändere | Quälltäxt bearbeite]

  1. Ihlefeld, Claudia; lsw. Holbein-Madonna in Schwäbisch Hall präsentiert. stimme.de. Archiviert vum Original am 22. Januar 2012. Abgrüeft am 22. Januar 2012.
  2. http://www.kulturgutschutz-deutschland.de/DE/3_Datenbank/Kulturgut/BadenWuerttemberg/badenwuerttemberg_node.html
Dä Artikel basiert uff ere fräie Übersetzig vum Artikel „Darmstädter_Madonna“ vu de dütsche Wikipedia.

E Liste vu de Autore un Versione isch do z finde.