Dani Levy

Dr Dani Levy uf dr Berlinale 2008

Dialäkt: Baseldütsch

Dr Dani Levy (*17. Novämber 1957) isch e Regisseur, Schauspiiler und Produzänt us Basel.

1970/1971 isch är als Clown und Akrobat im Zirkus Basilisk uffdrätte. Denn het är e Germanistik-Studium aagfange, won är aber friehzytig abbroche hett. In de Joohr 1977-1979 isch är im Basler Theater als Schauspiiler und Autor dätig gsi. In däre Zyt het är bi de Produktione "Do flippsch us", "Kasch mi gärn ha!" und "Spilt's e Rolle?" mitgmacht.

Noch eme zweijöhrige Vagabundenusflug in d Staate isch är denn 1980 uf Berlin, won är zerscht in dr Gruppe Rote Grütze mitgwirgt het. Aaschliessend isch är Dail vom Ensemble Logo gsi.

Är isch Mitgründer vo X Filme Creative Pool, wo scho ainigi erfolgrychi dütschi Film (Good bye Lenin (2003), Lola rennt (1998)) usebrocht hän. Är isch syt 1980 hauptsächlig in Berlin dätig. Dört läbt er syt lengerem mit dr Schauspiilere Maria Schrader zämme.

In dr Saison 2004 isch er wieder emol in Basel dätig gsi mit eme Stroossestügg namens Freii Sicht uff s Mittelmeer.

Filmographi

Als Regisseur

• 1986: Du mich auch
• 1989: RobbyKallePaul]
• 1992: I Was on Mars
• 1993: Ohne mich
• 1995: Stille Nacht – Ein Fest der Liebe
• 1998: Meschugge
• 1999: Das Geheimnis
• 2002: Väter
• 2004: Alles auf Zucker!
• 2007: Mein Führer – Die wirklich wahrste Wahrheit über Adolf Hitler
• 2009: Joshua (Churzfilm)

Als Schauspiler

• 1989: RobbyKallePaul
• 1993: Halbe Welt
• 1994: Burning Life
• 1994: Die Mediocren
• 1995: Stille Nacht
• 1996: Tempo
• 1996: Kondom des Grauens
• 1997: Aimée und Jaguar
• 1998: Meschugge

Uszeichnige

• Regiepriis vo dr Hypobangg am Münchner Filmfescht, 1983 (Without me)
• erschte Priis uf em Komödie Feschtival vo Vevey, 1986 (Du mich auch)
• Publikumspriis vom Max Ophüls Feschtival, 1989 (RobbyKallePaul)
• Kritikerpriis "Beschte Film" San Sebastian, 1991 (I was on Mars)
• Bayrische Filmpriis, 1999 (Meschugge)
• Ernst Lubitsch Priis, 2005 (Alles auf Zucker!)
• Dütsche Filmpriis, 2005, insgesamt 6 "Lolas", unter anderem für dr bescht Spielfilm und für dr bescht Regisseur (Alles auf Zucker!)

Link

• Literatur vu un iber Dani Levy im Katalog vu dr Dytsche Nationalbibliothek
• Biographi bi X Filme
• Bio- und Filmographi uf film-zeit.de
• Video-Interview bi cine-fils.com
• Dani Levy in de Internet Movie Database