D'Sound

Us der alemannische Wikipedia, der freie Dialäkt-Enzyklopedy

D'Sound isch e norwegischi Band mit dr Spannwitti Acid Jazz un Disco Soul bis Blues. Si hän bis 2006 segs CD rüsbrocht.

D Sängeri vunene heißt Simone Larsen - si isch 1970 z Friiburg im Briisgaü uf d Wält kumme un z Bischeffinge am Kaiserstuehl ufgwagse. Im Alter vu 9 isch si mit ihrere ditsche Mueter uf Norwege üsgwanderet. Im März 2006 het si mit ihrere Bänd e Uftritt im Friiburger Jazzhaus gha un het noch em Bricht vu dr Badische Zittig vum 25. 4. 06 "sämtliche Ansagen des Auftrittes zur Erheiterung des Publikums ... in breitem Alemannisch" gmacht.

Zu dr Bänd ghert zuedäm dr Bassischt Jonny Sjo un dr Schlagziiger Kim Ofstad; z Friiburg isch aü dr Keyborder Stein Austrud drbii gsii.

D Liäder, wu s Simone singt, sin uf änglisch un hän mänkmol e melancholische Iischlag; eb emol e norwegisch oder alemannisch Liäd blant isch, isch nit bekannt. D Bänd isch z Norwege zimli efolgrich un het aü verschiidini internationali Beachtung gfunde.

Diskografi[ändere | Quälltäxt bearbeite]

  • Spice of Life, 1996
  • Beauty is a blessing, 1998, 1999
  • Talkin' talk, 2001
  • Doublehearted, 2003
  • My Today, 2006
  • Starts and Ends, 2010
  • Signs, 2015
  • Unicorn, 2019

Weblink[ändere | Quälltäxt bearbeite]