D’Entrecasteaux-Inseln

Us der alemannische Wikipedia, der freie Dialäkt-Enzyklopedy
Hops zue: Navigation, Suech
D’Entrecasteaux-Insle
Charte vum Archipel
Charte vum Archipel
Gwässer Salomonesee
Geographischi Lag 9° 39′ S, 150° 42′ O-9.65150.7Koordinate: 9° 39′ S, 150° 42′ O
D’Entrecasteaux-Insle (Papua-Neuguinea)
D’Entrecasteaux-Insle
Zahl vo de Insle
Hauptinsle Moratau
Gsamtflechi 3.100 km²
Iiwohner 45.000
Topografischi Charte vu dr Inselgruppe
Topografischi Charte vu dr Inselgruppe

D D’Entrecasteaux-Insle (Tok Pisin Donterecasto Ailan) sin e Inselgruppe in der Salomonesee, eschtli vu Neiginea. Si ghere bolitisch zue dr Provinz Milne Bay vu Papua-Neiginea.

Geografi[ändere | Quälltäxt bearbeite]

Zum Archipel vu dr D’Entrecasteaux-Insle ghere Moratau ("Fergusson"), Nidula ("Goodenough"), Duau ("Normanby"), Sanaroa un Dobu, derzue ne Huffe chlaineri Insle. Vu Neiginea sin d Insle drännt dur di 30 km brait Ward Hunt-Stroß im Norde un di 18 km brait Goschen-Stroß im Side.

D Insle, wu ne vulkanische Ursprung hän, gehn iber 160 km un hän zämme ne Landflechi vu rund 3.100 km², d Yywohnerzahl lyt bi rund 45.000. Dr hegscht Bärg isch dr Mount Vineuo uf Nidula mit 2566 m.

Gschicht[ändere | Quälltäxt bearbeite]

Gnännt sin d D’Entrecasteaux-Insle noch em franzesische Seefahrer Joseph Bruny d’Entrecasteaux, wu anne 1792 uf dr Suechi noch em Jean-François de La Pérouse, wu syter anne 1788 in dr Sidsee verscholle gsii isch, as erschte Europäer uf dr Insle gsii isch.

Anne 1874 isch dr britisch Seefahrer John Moresby mit dr HMS Basilisk in s Biet chuu un het Vermässige vu dr Insle gmacht.

Im Johr 1891 hän auschtralischi Methodischte di erscht Missionsstation uf Dobu ufgmacht. Di Yyhaimisch sin aagworbe wore fir Goldmine un Kopra-Plantasche. E zwooti Missionsstation isch 1898 z Bwaidoga, Mud Bay, im Side vu Nidula ufgmacht wore.

D Inselgruppe isch e Brännpunkt im Zweete Wältchrieg woore, wu japanischi Druppe anne 1942 uf Nidula abgsetztt wore sin, churz voreb si vu dr auschtralische 2/12th Battalion aagriffe wore sin. Vum Juni 1943 bis zum Augschte 1944 isch Vivigani Airfield uf Nidula e Uusgangspunkt vu dr Royal Australian Air Force fir Operation z Neiginea gsii. D US Navy het e Basis uf Moratau ghaa, d Brite wahrschyns e ghaimi Basis uf Duau.

Weblink[ändere | Quälltäxt bearbeite]

 Allmänd (Commons): D’Entrecasteaux-Insle – Sammlig vo witere Multimediadateie