Cyriacus vo Ancona

Us der alemannische Wikipedia, der freie Dialäkt-Enzyklopedy
Ciriacus, Fresko, 1459

Dr Cyriacus vo Ancona (italiänisch au Ciriaco de' Pizzicolli; * um 1391 z Ancona; † 1455 z Cremona) isch en italiänische Kaufmaa und Humanist gsi. Er het zahlriichi antiki griechischi und latiinischi Inschrifte kopiert und zelt as ein vo de erste Epigraphiker. Vili antiki Text si nur dank ihm überliiferet.

Als Kaufmaa isch dr Cyriacus vo Ancona zwüsche 1412 und 1454 in dr Levante und im südlige Balkan, bsundrigs in Griecheland, umegreist. Er het under anderem d Hagia Sophia z Konstantinopel bsuecht, d Athener Akropolis und d Ruine vo Delphi. Überall het er Zeichnige und Abschrifte vo Inschrifte gmacht, für zum die antike Artefakt vor em Vergässe z bewahre. Er het allerdings siini Ufzeichnige zu Läbziite nit usege.

Dr Cyriacus het as erste Ruine, wo bi me Chloster in Mittelalbanie ligge, als Überräst vo Apollonia identifiziert, e Stadt wo in der Antike grossi Bedütig gha het.

Literatur[ändere | Quälltäxt bearbeite]

  • Edward W. Bodnar SJ: Cyriacus of Ancona and Athens. Latomus, Bruxelles-Berchem 1960.
  • Edward W. Bodnar, Charles Mitchell (Hrsg.): Cyriacus of Ancona’s journeys in the Propontis and the Northern Aegean, 1444–1445. American Philosophical Society, Philadelphia 1976, ISBN 0-87169-112-4.
  • Edward W. Bodnar, Clive Foss (Hrsg.): Cyriac of Ancona: Later travels. Harvard University Press, Cambridge, MA 2003, ISBN 0-674-00758-1.
  • Jean Colin: Cyriaque d'Ancône. Le voyageur, le marchand, l'humaniste. Maloine, Paris, 1981, ISBN 2-224-00683-7.
  • Gianfranco Paci (Hrsg.): Ciriaco d'Ancona e la cultura antiquaria dell'Umanesimo. Atti del convegno internazionale di studio, Ancona, 6–9 febbraio 1992. Diabasis, Reggio Emilia 1998, ISBN 88-8103-031-4.

Weblink[ändere | Quälltäxt bearbeite]

Dä Artikel basiert uff ere fräie Übersetzig vum Artikel „Cyriacus_von_Ancona“ vu de dütsche Wikipedia. E Liste vu de Autore un Versione isch do z finde.