Courmayeur

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Courmayeur
Wappe
Courmayeur (Italien)
Courmayeur
Courmayeur vum Rifugio Torino uus gsää
Courmayeur vum Rifugio Torino uus gsää
Lag vu dr Gmai Courmayeur im Augschtdal
Lag vu dr Gmai Courmayeur im Augschtdal
Staat: Italie
Region: Aostatal
Koordinate 45° 47′ N, 6° 58′ O45.7833333333336.96666666666671224Koordinate: 45° 47′ 0″ N, 6° 58′ 0″ O
Hechi: 1.224 m s.l.m.
Yywohner: 2836 (31. Dez. 2012)[1]
ISTAT-Nummer: 007022

Courmayeur (frankoprov. Creméyeui) isch e Gmai in dr autonome Provinz Augschtdal z Italie.

Courmayeur ghert zue dr Bärggmainschaft Comunità montana Valdigne Mont Blanc.

Geografi[ändere | Quälltäxt bearbeite]

Courmayeur lyt 10 km sideschtlig vum Mont Blanc, im Valdigne, em obere Dail vum Augschtdal.

Zue dr Gmai ghere d Wyyler Dolonne (Dolénna), Entrelevie (Éntrelvie), Entrèves (Éntréve), La Palud (La Palù), Larzey (Lo Lazèi), La Saxe (La Saha), La Villette (La Veletta), Villair Dessous (Lo Velé-Dézó), Villair Dessus (Lo Velé-Damón). Nochbergmaine sin Bourg-Saint-Maurice (FR-73), Chamonix-Mont-Blanc (FR-74), La Salle, La Thuile, Les Contamines-Montjoie (FR-74), Morgex, Orsières (CH-VS), Pré-Saint-Didier, Saint-Gervais-les-Bains (FR-74) un Saint-Rhémy-en-Bosses

Gschicht[ändere | Quälltäxt bearbeite]

Dr Grinder vum Huus Savoyen, dr Humbert I mit dr wysse Händ, het anne 1025 s Augschtdal as Leeche griegt. Mid Uusnahme vun e baar Johr (1691, 1704-1706, 1798-1814 zue Frankrych) het s Augschtdal derno zem Huus Savoyen gheert bis anne 1946, d. h. bis dr letscht italienisch Chenig abdankt ghaa het. Wu s italienisch Chenigrych anne 1861 grindet woren isch, isch s Augschtdal zue dr Provinz Turin chuu. Anne 1927 isch s derno ne aigestädnigi Provinz wore. Im Faschismus isch di franzesisch Sproch verbote wore un s het e starki Italienisierigsbolitik gee. Vu 1939 bis 1945 het Courmayeur dr italienisiert Name 'Cormaiore drait. Noch em Zweede Wältchrieg het s Augschtdal anne 1948 e autonome Sonderstatus griegt.

Bevelkerig[ändere | Quälltäxt bearbeite]

Johr 1861 1871 1881 1901 1911 1921 1931
Yywohner 1434 1357 1201 1154 1072 1096 1215
Johr 1936 1951 1961 1971 1981 1991 2001
Yywohner 1264 1307 1657 2339 2704 2545 2790

Politik[ändere | Quälltäxt bearbeite]

D Burgermaischteri vu Courmayeur isch d Fabrizia Derriard.

Sproch und Dialäkt[ändere | Quälltäxt bearbeite]

Dr frankoprovenzalisch Dialäkt vu Courmayeur ghert zum Valdostanisch (Valdôtèn).

Anne 2001 het d Fondation Émile Chanoux in Zämmenarbet mit em Centre d'Études Linguistiques pour l'Europe un dr Università degli Studi di Trento di soziolinguistisch Situation vu allne Gmaine im Augschtdal untersuecht. Doderzue isch im Septämber un Oktober 2002 e Froogebooge verschickt woore. Vu Courmayeur sin 101 Froogebeege wider retuurchuu[2].

Froog 0301: Was isch Ihri Muetersprooch?
Italienisch Patois Italienisch un Patois Piemontesisch anderi kai Andwoord Total
82 (81,2 %) 7 (6,9 %) 4 (4 %) 1 (1 %) 3 (3 %) 4 (4 %) 101
Froog 1403a: Wie guet verstehn si Frankoprovenzalisch (Patois)?
guet mittelguet e weng gar nit kai Andwoord Total
40 (39,6 %) 16 (15,8 %) 9 (8,9 %) 36 (35,6 %) 0 (0 %) 101
Froog 1403b: Wie guet chenne si Frankoprovenzalisch (Patois) schwätze?
guet mittelguet e weng gar nit kai Andwoord Total
33 (32,7 %) 6 (5,9 %) 14 (13,9 %) 46 (45,5 %) 2 (2 %) 101

Fueßnote[ändere | Quälltäxt bearbeite]

  1. Statistiche demografiche ISTAT. Bevölkerungsstatistiken des Istituto Nazionale di Statistica vom 31. Dezember 2012.
  2. Fondation Émile Chanoux: ‘‘Sondage linguistique’’

Weblink[ändere | Quälltäxt bearbeite]

 Allmänd (Commons): Courmayeur‎ – Sammlig vo witere Multimediadateie