Correspondierende Societät der musicalischen Wissenschaften

Us der alemannische Wikipedia, der freie Dialäkt-Enzyklopedy

Die Correspondierende Societät der musicalischen Wissenschaften isch e virtuelli muusigwüsseschaftligi Gmäinschaft im 18. Joorhundert gsi, wo vom Lorenz Christoph Mizler 1738 gründet worden isch. Zu de Mitgründer häi dr Giacomo de Lucchesini († 1739) und dr Georg Heinrich Bümler (1669–1745) ghöört.

D Soziedäät isch uf dr äinte Site die ersti muusigwüsseschaftligi Gsellschaft in Dütschland, uf dr andere si iiri Ziil aber seer verschiide vo hütige Instiduzioone vo dere Art. Dr Mizler het die underschidligste musikalische Projekt aagstoosse, het aber d Muusig sis ganze Lääbe lang nume as si Nääbewärk bezäichnet. Was er het welle isch e Süntheese vo philosophische und theologische Gedanke gsi. Er het d Woorhet gsuecht, und het dänggt, ass Gott sueche s Gliiche sig wie d Woorhet und s höggste Guet sueche. Aber anstatt sich uf die biblischi Offebaarig (sola sriptura) z stütze, het dr Mizler uf s „Buech vo dr Natur“ gsetzt, äänlig wie d Ufkläärer Christian Wolff und Johann Christoph Gottsched.

Bekannti Mitgliider si dr Georg Philipp Telemann, dr Georg Friedrich Händel und dr Johann Sebastian Bach gsi.

Litratuur[ändere | Quälltäxt bearbeite]

  • Carl Krebs: Mizler von Kolof, Lorenz. In: Allgemeine Deutsche Biographie (ADB). Band 52, Duncker & Humblot, Leipzig 1906, S. 426–429.
  • Lutz Felbick: Lorenz Christoph Mizler de Kolof – Schüler Bachs und pythagoreischer „Apostel der Wolffischen Philosophie“. Georg-Olms-Verlag, Hildesheim 2012, ISBN 978-3-487-14675-1 (Hochschule für Musik und Theater „Felix Mendelssohn Bartholdy“ Leipzig – Schriften; 5).

Weblingg[ändere | Quälltäxt bearbeite]

Wikisource Werkverzeichnis und Digitalisate im dütschsprochige Wikisource

Dä Artikel basiert uff ere fräie Übersetzig vum Artikel „Correspondierende_Societät_der_musicalischen_Wissenschaften“ vu de.wikipedia.org. E Liste vu de Autore un Versione isch do z finde.